بيىل ۇلت كوسەمى – ءاليحان بوكەيحاننىڭ 150 جىلدىعى. وسى ماقساتتا «الاشوردا» قوعامدىق قورى قازاق بالاسىنا قايىرىلىپ، الەكەڭنىڭ مەرەيتويى اياسىندا قولعا الىناتىن، اتقارىلاتىن ءىس-شارا، جۇمىستارعا دەپ قاراجات جيناپ جاتىر. مۇنىڭ سەبەبى، ءاليحان بوكەيحاننىڭ 150 جىلدىعىنا ۇكىمەت قازىنادان قارجى بولىنبەيتىندىگىندە بولىپ وتىر.

قايىرلى ىستەن قالىس قالمايىق، اعايىن!

الاششىل، ابايشىل بولايىق!

Abai.kz

اليxانعا، الاشورداعا دەگەن ماxابباتىمىزدى سوزبەن ەمەس، ىسپەن دالەلدەپ، ءاليxان بابامىزدىڭ تويىنا ارقايسىمىز 1000 تەڭگە اۋدارساق تا، كومەك بەرەيىك، قايىرلى ءىس، ساۋاپتى ءىس، اللا رازى بولسىن!!! (ەگەر سچەتقا اقشا اۋدارساڭىز، چەگىن بىزگە جىبەرىڭىز) دوستار، تاياۋدا ءبىزدىڭ باق ءاليحان بوكەيحاننىڭ 150-جىلدىعىنا قارجى بولىنەدى دەگەن مادەنيەت ءمينيسترىنىڭ ءسوزىن جەر جاھانعا جايدى. نەتكەن اڭقاۋلىق دەسەڭشى! ءمينيستردىڭ قۇر سوزىنە سەنەيىك پە الدە پرەمەر-ءمينيستردىڭ 2015 جىلعى 12 قاراشادا دەپۋتاتتارعا رەسمي تۇردە بەرگەن مىنا جاۋابىنا سەنەمىز بە: «قازىرگى ۋاقىتتا قارجى-ەكونوميكالىق احۋالعا جانە بيۋدجەتتىڭ قىسقارتىلۋىنا بايلانىستى 2016 جىلعا مەرەيتويلىق ءىس-شارالاردى وتكىزۋگە ارنالعان ماقساتتى قارجى قاراجاتى كوزدەلمەگەن. وسىعان بايلانىستى، مەرەيتويلىق ءىس-شارالار مەملەكەتتىك ورگانداردىڭ اعىمداعى جۇمىسى شەڭبەرىندە جانە بيۋدجەتتەن تىس قاراجاتتى تارتۋ ەسەبىنەن وتكىزىلەتىن بولادى. ءاليحان بوكەيحانوۆتىڭ ەسىمىن ماڭگى ەستە قالدىرۋ ماقساتىندا مەملەكەتتىك ورگاندارعا تاريحي تۇلعانىڭ مەرەيتويى قۇرمەتىنە باق-تاردا كەڭىنەن جاريالاي وتىرىپ، عىلىمي-تاجىريبەلىك كونفەرەنتسيالار، مادەني-كوپشىلىك جانە باسقا دا الەۋمەتتىك ماڭىزدى ءىس-شارالار وتكىزۋگە تاپسىرما بەرىلدى». بايقاساڭىز، حاتتا الاش كوسەمىنىڭ 150-جىلدىق مەرەيتويى حالىقارالىق ماڭىزى زور وقيعا دەپ قاراستىرىلمايدى. ەستەرىڭىزگە سالايىن: 2015 جىلدىڭ قاراشاسىندا يۋنەسكو-نىڭ باس كونفەرەنتسياسى ءاليحان بوكەيحاندى «شىنايى بۇكىل دۇنيەجۇزىلىك داڭقتى تۇلعا» دەپ مويىنداپ، ونىڭ 150-جىلدىعىن ءوز اياسىندا (يۋنەسكو) تويلاۋ تۋرالى قارار قابىلدادى. ال ەندى ءمالىم بولعانى: ءاليحاننىڭ 150-جىلدىعى مينيسترلىكتەردىڭ ءىس-شارالار جوسپارىنا دا كىرگىزىلمەگەن، ياعني 2016 جىلى ولاردى قارجىلاندىرۋ دا قاراستىرىلماعان. بۇگىن «الاش» ينستيتۋتى ء«اليحان بوكەيحان. شىعارمالارىنىڭ 16 (18) تومدىق تولىق جيناعىن» جانە ءا.ن. بوكەيحاننىڭ ءومىرى مەن تاريحي قىزمەتى تۋرالى تۋرالى 2-تومدىق مونوگرافيانى باسپاعا دايىندادى. 1917-1920 جىلدارى قازاق-الاش مەملەكەتى ءيسى قازاقتىڭ، باي-مەتسەنەتتاردىڭ قاراجاتىنا قۇرىلىپ، ءىس اتقارعانى تاريحتان ءمالىم. قادىرلى دوستار، وتانىمىزدىڭ تاريحىنا، جەرىنىڭ، ۇلت ازاتتىعى مەن تاۋەلسىزدىگى جولىندا جانىن قيىپ، قازىرگى قازاقستاننىڭ قالىپتاسۋىنا وشپەس ۇلەس قوسقان تاريحي تۇلعالارعا نەمقۇرايدى قارامايتىن ارقايسىڭىز، ءاليحان بوكەيحاننىڭ ەسىمىن ماڭگىلىك ەستە قالدىرۋعا ۇلەس قوسا الاسىز.

«الاشوردا» قوعامدىق قورى

ين: 000940007148

كبە: 17

ەسەپشوت №: KZ86914398416BC11601 (KZT),  KZ19914012203US000VR (USD)

قۇرمەتپەن، سۇلتان حان ءجۇسىپ «الاشوردا» قوعامدىق قورىنىڭ ديرەكتورى