بايان دەمەكشى، قازىر ينتەرنەتتى اشساڭ دا، تەلەارنانى قوسساڭ دا ەسەنتاەۆانىڭ "جاعا ۇستاتارلىق", "تاڭداي قاقتىرارلىق" جاڭالىقتارىن، مالىمدەمەلەرىن، سۇحباتتارىن وقۋعا، كورۋگە، تىڭداۋعا ءماجبۇرسىز. بۇگىن بايان "قانداي كارتوپ جارار" ەكەن دەپ، قۇلاعىڭىزدى قالقيتىپ الىپ جاڭالىق كۇتەسىز. بايان كۇتتىرمەيدى.

باياندى قويشى، شوۋ-بيزنەستە نە جاساسا دا جاراساتىن زامان تۋدى ەمەس پە قازىر؟ سول بايانداي شوۋ جاساۋدىڭ شەبەرىنە اينالعان مادەنيەت مينيسترىمىز ارىستانبەك مۇحامەديۇلىنىڭ قىلىعىن قايتپەكپىز؟ شەنەۋنىگىمىز كۇن ساناپ، جاڭالىق جاساۋدىڭ ءتىلىن ادەمى مەڭگەرىپ كەلەدى. از ۋاقىتتا ەسەنتاەۆا مۇحامەديۇلىنىڭ قاسىندا ءجىپ ەسە الماي قالاتىن شىعار دەپ ويلايمىن. 

مۇحامەديۇلى تەگىن وزگەرتتى - كەرەمەت جاڭالىق (باياعىدااا بولعان جاعداي)...

مۇنى نەگە ەسكە ءتۇسىرىپ وتىرمىن؟. جالپى، شوۋ جاساپ، ويناي بىلەتىن قاسيەت ادامنىڭ تەگىندە، قانىندا بولاتىن بولسا كەرەك. اليەۆتەر ساياسات ساحناسىنان ىسىرىلعاندا تەگىنەن باس تارتۋ ەرلىگى وسى كىسىنىڭ عانا قولىنان كەلدى. ناتيجەسىندە مينيستر ورىنتاعىنا قونجيۋعا مۇمكىندىك الدى. عاجاپ ەمەس پە؟   

قوش، وتكەندى قاۋزاپ قايتەمىز... ونان دا سوڭعى كەزدەردەگى عاجايىپ جاڭالىقتاردىڭ ءبىرلى-جارىمىن تىزە سالايىقشى.

مۇحامەديۇلى ۇلىبريتانيا دەگەن ءسوزدى ايتا المادى - حيت.

مۇحامەديۇلى يلينگە تەلەفون تۇتقاسىن ۇسىنادى - حيت.

مۇحامەديۇلى يسا پايعامبار جايلى فيلم تۇسىرمەك - حيت.

مۇحامەديۇلى قىتاي كومپيزيتورى جايلى كينو ءتۇسىرىپ جاتتىر - حيت.

مۇحامەديۇلى كەپكا كيەدى... ءمينيستردىڭ دەسسكودى دا - حيت. 

مۇحامەديۇلى يلينگە قاتە حات جازادى... تاعى دا حيت... حيت... حيت...

نە قىلعان بىتپەيتىن ح-يت...

بايان مەن مۇحامەديۇلىنىڭ حيتتەرىن تارازىعا سالساڭ، مەنىڭ ويىمشا ءمينيستردىڭ سالماعى باسىم بولىپ كەتەتىن سياقتى. ويتكەنى، ونى بۇگىنگى ءبىزدىڭ شەنەۋنىكتەردىڭ جيىنتىق وبرازى دەپ بىلەمىن. مۇحامەديۇلىنا قارا دا، ەلدىڭ تىزگىنى كىمدەردىڭ قولىندا ەكەنىن تۇسىنە بەر!

ە، مۇنىڭ قويشى ءبارىن! "بورسىق ۇرعان سايىن سەمىرەدى" دەيدى قازاق. قۇرمەتتى ءمينيستردى بورسىققا تەڭەۋدەن اۋلاقپىز. دەسە دە، مۇحامەديۇلى "سەمىرىپ" بارادى. ونى تانىمال ەتكەن، وعان دەگەن بۇكىل جۇرتشىلىقتىڭ "ماحابباتىن" وياتقان جوعارىدا ايتىلعان - حيتتەر. يليا ءيليندى قۇتىقتاپ جازعان حاتىنداعى قاتەلىكتى كورىپ، وسىنىڭ ءبارىن مينيستر ادەيى جاساي ما دەگەن ويعا كەلدىم.

سەبەبى، ونەر اكادەمياسىن باسقارعان ادام "قارا پيار" دەگەننىڭ نە ەكەنىن جاقسى بىلسە كەرەك. 

حاتتى وقىڭىزشى...

«قازاق ەلىنىڭ ءتول سپورتىنا اينالعان اۋىر اتلەتيكادان ءتورت دۇركىن «الەم اۋىر اتلەتى» اتانۋىڭىز"م"ەن شىن جۇرەكتەن قۇتتىقتايمىن! بويىڭىزداعى كۇش-جىگەرىڭىز، ادامگەرشىلىك قاسيەت، سپورتقا دەگەن قۇشتارلىق، قاجىرلى ەڭبەكتىڭ ارقاسىندا بارشا الەم جۇرتىن مويىنداتتىڭىز. ءسىز سياقتى جۇرەكتى، بىلەكتى، وتانسۇيگىش ازاماتتارىمىز باردا قازاقستاننىڭ ءانۇرانى بارشا ادامزاتتىڭ الدىندا ءالى سان رەت شىرقالىپ، تۋى كوككە كوتەرىلەتىنىنە سەنىمدىمىن», - دەلىنگەن.

مۇنداي قاتە، باسقانى بىلاي قويىپ، مادەنيەت مينيسترىنەن كەتۋى مۇمكىن ەمەس قوي. دەمەك، ءبىر جوسپارى بولعانى. ەل سياقتى يليانى قۇتتىقتاعان بولسا، ونى ەشكىم ەلەمەيدى. ونسىز دا سورى ارىلماعان قازاق ءتىلىن قۇرباندىققا شالىپ، ءبىر عانا قاتەلىك ەنگىزىپ، ول قاتەلىكتى جانىن جەگەن جۋرناليستەرگە كورسەتىپ جىبەرسە، شوۋ بولماي ما؟ اۋىر اتلەتشىنى ءمينيستردىڭ "مينيستر باسىمەن" قۇتىقتاعانىن مۇقىم جۇرت بىلمەي مە؟  

وسى قادامعا بارعان (بۇلاي بولماۋى دا مۇمكىن) مۇحامەديۇلىن ەندى ءاجۋالاپ كورىڭىز. مەنىڭشە، ءسىز ونى ەمەس، ول ءبىزدى مازاقتاپ ءجۇر...

ءشارىپحان قايسار

اbai.kz