ورالماندار مەن قونىس اۋدارۋشىلاردى قونىستاندىرۋ ءۇشىن وڭىرلەردى ايقىنداۋ تۋرالى قازاقستان رەسپۋبليكاسى ۇكىمەتىنىڭ №83 قاۋلىسى بەكىتىلدى. قاۋلىعا سايكەس شەتەلدەردەن كوشىپ كەلەتىن قازاقتار قونىستاناتىن وبلىستىر:

1. اقمولا وبلىسى.

2. اتىراۋ وبلىسى.

3. شىعىس قازاقستان وبلىسى.

4. باتىس قازاقستان وبلىسى.

5. قوستاناي وبلىسى.

6. پاۆلودار وبلىسى.

7. سولتۇستىك قازاقستان وبلىسى.

قاۋلىدا سونداي-اق، ىشكى كوشى-قون ماسەلەسى دە قامتىلىپتى. ەل ىشىندە قونىس اۋدارۋشىلار ءۇشىن مىنا وبلىستار تاڭدالعان:

1. شىعىس قازاقستان وبلىسى.

2. قوستاناي وبلىسى.

3. پاۆلودار وبلىسى.

4. سولتۇستىك قازاقستان وبلىسى.

اۋپىرىممەن بەتى تۇزەلە باستاعان كوشى-قون ماسەلەسىندە ۇكىمەت قابىلداعان وڭ شەشىمنىڭ ءبىرى وسى بولعان سياقتى. جوعارىدا اتالعان وبلىستارعا بارىپ تۇراقتاپ، قونىس تەپكەن اعايىنعا الەۋمەتتىك  پاكەتتەر دە قاراستىرىلعان. قاۋلىدان كورىپ وتىرعانىمىزداي، ىشكى ميگراتسياعا قاتىستى وبلىستار دا دۇرىس تاڭدالعان.  ەشتەن كەش جاقسى دەگەن – وسى. ءوز جەرىنىڭ الەۋمەتتىك، ەكونوميكالىق،  ستارتەگيالىق جانە قاۋىپسىزدىك تۇرعىسىنان  از قامتىلعان ءوڭىرىن يگەرىپ، تۇتاستاندىرۋ – بارلىق ەلدەردىڭ تاجىريبەسىنەن تابىلادى. بىزدىكى دە سوعان ۇقساس ارەكەت. ءيا، تاۋەلسىزدىگىنىڭ شيرەك عاسىرىنان باستاپ قازاق  حالقى بايىرعى باباقونىسىنىڭ تەرىستىك جانە شىعىس ايماعىن يگەرۋگە بەت الدى. ەرتەڭ تاريح وسىلاي دەيتىن بولادى. كەل، قازاق، ارقاعا، التايىڭا!

Abai.kz