ءبىز بۇدان بۇرىن، 17 اقپان كۇنى «قورعاس» شەكارالىق باقىلاۋ وتريادىنىڭ شەكاراشىلارى كورشى ەلگە قاراي 2,5 كگ اقىق (اگات) تاسىن وتكىزبەك بولعان قازاقستاندىقتىڭ ۇستالعانىن حابارلاعان ەدىك. ەندى مىنە، وسىنداي تاستىڭ 10,5 كيلوگرامىن وتكىزبەك بولعان تاعى ءبىر ازامات ۇستالدى.

اقىق تاسىن قىتايعا كونتراباندالىق جولمەن وتكىزبەك بولعان 42 جاستاعى قازاقستاندىق وسىنشاما سالماقتى تاستاردى كيىمىنىڭ استىنا، دەنەسىنە بايلاپ وتكىزبەك بولعان ەكەن.

ەستەرىڭىزگە سالا كەتەيىك، مينەرالدىڭ بۇنداي ءتۇرىن ەجەلگى گرەكتەر «باقىت تاسى»، «جاراتۋشىنىڭ كوزى» دەپ اسپەتتەگەن ەكەن.

وسى وتريادتىڭ شەكاراشىلارى قىتايدان ءبىزدىڭ ەلگە قاراي جاياۋلاتىپ كەلە جاتقان حاندىق ازاماتتى 47 كگ جاريالانىمسىز ءدارى-دارمەكتەرىمەن ۇستادى.

«قورعاستىقتاردىڭ» ولجاسى بۇنىمەن شەكتەلمەدى. «جولاۋشىلار» وتكىزۋ بولىمشەسىنىڭ شەكارا ناريادى ءبىرىنىڭ ارتىنان ءبىرى، ەكى قازاقستاندىقتى قىمبات باعالى ۇيالى تەلەفونداردى كونتراباندالىق جولمەن ەنگىزبەكشى بولعاندىعى ءۇشىن ۇستادى. بىرىنشىسىنەن 22, ەكىنشىسىنەن 28 Iphone 5S تەلەفوندارى تابىلدى.

ۇستالعان ازاماتتاردىڭ زاڭسىز تاۋارلارى اكتىلەنىپ  «التىنكول» كەدەن بەكەتىنىڭ قىزمەتكەرلەرىنە تاپسىرىلدى.

قر ۇقك شق ءباسپاسوز قىزمەتى

اباي-اقپارات