الماتى قالاسى مەدەۋ اۋدانىنىڭ №2 سوتى جەمقورلىق قىلمىس جاسادى دەگەن كۇدىكپەن ايىپ تاعىپ وتىرعان  قازاقستان جۋرناليستەر وداعىنىڭ توراعاسى سەيىتقازى ماتاەۆتى ەكى اي مەرزىمگە مىرزاقاماققا ء(ۇي قاماققا)  شىقتى. سوتتا  ماتاەۆتىڭ قورعاۋشىسى كەپىلدىكپەن بوساتۋدى سۇراعان بولاتىن. مىرزاقاماققا الىنعان ماتاەۆقا عالامتوردى قوسا العاندا، بايلانىس قۇرالدارىنىڭ بارلىق تۇرلەرىن پايدالانۋعا تىيىم سالىندى.

سەيىتقازى ماتاەۆتىڭ وزىنە تاعىلعان ايىپپەن كەلىسپەيتىنىن جانە ەلدەن ەشقايدا كەتۋ ويىندا جوقتىعىن، كىناسىزدىگىن دالەلدەي الاتىندىعىن ايتادى.

ەستەرىڭىزگە سالا كەتەيىك، سەيىتقازى ماتاەۆقا الماتى قالاسى بويىنشا جەمقورلىق قىلمىستارعا قارسى ءىس-قيمىل دەپارتامەنتى اسا ءىرى كولەمدە قارجى جىمقىردى، سالىق تولەۋدەن جالتاردى دەگەن ايىپ تاعىپ، قاماۋعا العان بولاتىن. جەمقورلىققا قارسى قىزمەت وكىلدەرى، سونىمەن قاتار سەيىتقازى ماتاەۆتىڭ ۇلى، «قازتاگ» اقپارات اگەنتتىگىنىڭ باس ديرەكتورى اسەت ماتاەۆتى دا تەرگەۋگە الىپ، سوڭىنان بوساتىپ جىبەرگەن بولاتىن.