ۇلتتىق دۇنيەتانىم، رۋح، مادەنيەت پەن ادە­بيە­تى­مىزدى ۇرپاققا مۇ­را ەتىپ قالدىرۋ قاي زا­مان بول­ماسىن اعا بۋىن وكىلدەرىنە جۇكتەلەتىن مىندەت. جاۋ­گەرشىلىك كە­زەڭدەر مەن ۇلى وتان سوعىسىندا جا­ساعان اتا-بابامىزدىڭ ەرلىك­تەرى ەشقاشان ەل ەسى­نەن كەتپەك ەمەس، - دەپ جازادى الماتى وبلىستىق "جەتىسۋ" گازەتىنىڭ ءتىلشىسى.

وسىنداي ماقسات، مىندەتتى باس­شى­­لىققا العان «گەنەرالدار كەڭە­سى» رەسپۋبليكالىق قوعامدىق بىر­لەستىگى قازاقستان حالقى اسسام­بلەيا­سى جانە «نۇر وتان» پارتيا­سى­مەن بىرلەسە وتى­رىپ اۆتوشەرۋ ۇيىم­داستىردى. قازاق­ستاننىڭ بىرنەشە قالاسىن ارالاپ 7 مىڭنان استام شاقىرىمدى با­عىندى­ر­عان ارداگەرلەر الماتى وبلى­سىنىڭ ورتالىعى – تالدىقور­عان قا­لا­­سى­نا دا ات باسىن تىرەپ، اق با­تا­لا­رىن ارنادى. «ۇلى دالا ازا­مات­تارى» اتتى اۆتوشەرۋ تاۋەلسىز­دىگىمىزدىڭ 25 جىل­دىعى مەن قازاق­ستان­داعى اسكەري قۇرامالاردىڭ قۇ­رىل­عانىنا 75 جىل تولۋىنا وراي جاس­تاردىڭ ساناسىنا پاتريوت­تىق سەزىم ورناتىپ، ۇلتتىق رۋحتى اسقاق­تاتۋ ءۇشىن ارنايى ەل ارالاپ كەلەدى. ماقساتى – بەرەكەسى مەن بىرلىگى جا­راسقان جۇرتتى ءبىر مۇددەگە ساي «ماڭ­گىلىك ەل» يدەياسى اياسىندا ايان­باي ەڭبەك ەتۋگە، ۇلى وتان سوعى­سىنا قاتى­سىپ ەرلىكپەن كۇرەسكەن اتا-بابامىزدان ۇلگى الىپ، جاستارعا جول كور­سەتۋ جانە «نۇرلى جول» باع­­­دار­­لاماسىنىڭ وزەكتىلىگى مەن ماڭىز­­­دى­لىعىن ايشىقتاۋ. «گەنە­رالدار كەڭەسى» رقب مۇشەسى، گەنەرال-مايور مارات ماردەنوۆ، داڭقتى گەنەرال-مايور ۆ. پانفي­لوۆ­تىڭ نە­مە­رەسى الۋا بايقا­داموۆا، ۇلى وتان سوعىسى­نىڭ ار­دا­گەرلەرى مەن «نۇر وتان» پار­تيا­سىنىڭ بەلسەندىلەرى جانە قىرعىزستان رەس­پۋبليكا­سىنان كەلگەن قۇرمەتتى قوناق­تار باستاعان اۆتوشەرۋشىلەر ال­دىمەن تالدىقور­عان قا­لاسىنىڭ ور­تالىق سايابا­عىن­داعى ماڭگىلىك الاۋ­­عا گۇل شوقتارىن قويىپ، ۇلى وتان سوعى­سىن­­دا قازا تاپ­قان جاۋىنگەرلەرگە تاعزىم ەتتى. ءبىر مينۋت ۇنسىزدىكتەن سوڭ شىر­قال­عان مەم­لەكەتتىك گيمن ۇلتىق رۋحى­مىزدى اسقاق­تاتتى.

– قۇرمەتتى قوناقتار، جەتىسۋعا قوش كەلدىڭىزدەر! سىزدەردى تاعاتسىز­دانا كۇتتىك. ارنايى ات باسىن بۇرىپ كەل­گەندەرىڭىزگە العىس ايتامىز! سىز­دەر­گە قاراپ ءبىزدىڭ جاس­تارىمىز ۇلگى الىپ، بابالارىمىزدىڭ باتىر­لىعىنا قاراپ بوي تۇزەي بەرسىن. جۇرتى­مىز تىنىش، جولدارىڭىز بولسىن، – دەگەن تال­دى­قورعان قالاسى اكىمىنىڭ ورىن­با­سارى مارلەن كولباەۆ كەلگەن اۆ­توشەرۋ­شى­لەردىڭ العا قويعان ماق­سات­ىنىڭ جۇ­زەگە اسۋىن تىلەدى. «نۇر وتان» پار­تياسى وبلىستىق فيليالى توراعا­سىنىڭ ورىنباسارى گۇلنار تويلى­باەۆا ارداگەرلەردىڭ ەلدىڭ بىرلىگىن ساق­تاۋ­داعى ەرەن ەڭبەكتەرىن ايتا كەلىپ، ەلباسى نۇرسۇلتان نازار­باەۆ­تىڭ سىندارلى ساياسا­تىن جۇزەگە اسى­رۋداعى قۇلشىنىستارىن تىلگە تيەك ەتتى. كەزەكتى ءسوز تىزگىنىن قولىنا العان «گەنەرالدار كەڭەسى» رقب وكىلى، گەنە­رال-مايور مارات ماردەنوۆ: «قۋعىن-سۇرگىن مەن اشارشىلىقتان ەسىن جيىپ ۇلگەرمەگەن حالىقتى الدا ۇلى وتان سوعىسى كۇتىپ تۇرعان ەدى. قولىنا قارۋ الىپ، اسكەري تاكتيكا­لاردان حابارسىز ۇل-قىزدارىمىز سوعىسقا اتتاندى. زەرەك ساربازدا­رىمىز بىردەن مايدان تورىن­دە ەرلىك كور­سەتىپ، بابا جولىن جاڭعىرتتى. مىنە، سول كەزدەن باستاپ قازاق جەرىن­دە العاشقى اسكەري قۇرا­مالار قۇ­رىل­دى. اۆتو­شەرۋىمىزدىڭ نەگىزگى ما­ق­ساتى دا سول باتىر­لا­رى­مىزدىڭ رۋ­حىنا تاعزىم ەتىپ، ەرلىكتەرىن جادى­مىز­عا ساقتاۋ»، – دەدى.

جەتىسۋ سوعىس جىلدارىندا ال­عاش­قى اسكەري قۇرامالار قۇرىلعان جەر­لەردىڭ ءبىرى جانە پانفيلوۆ ديۆيزياسى دا وسىندا جاساقتالعان. سونىمەن قاتار ەلۋ ەكى كەڭەس وداعى­نىڭ باتىرى اتانعان جەرلەستەرىمىز ءوڭىرىمىزدىڭ ماقتانىشى.

ماۋلەن انەرباي