پۋتين اقش پرەزيدەنتىنە ەقىۇ مينسك توبىنىڭ تەڭ توراعاسى رەتىندە 20 ماۋسىمدا سانكت-پەتەربۋرگتە تاۋلى قاراباقتاعى جانجالدى رەتتەۋگە ارنالعان ازەربايجان ليدەرى يلحام اليەۆ پەن ارمەنيا پرەزيدەنتى سەرجەم سارگسيانمەن بولعان ۇشجاقتى كەزدەسۋدىڭ قورىتىندىسى جايىندا اقپارات بەرگەن.

اق ءۇيدىڭ ءباسپاسوز قىزمەتىنىڭ حابارلاۋىنشا، پرەزيدەنت وباما رەسەي جانە فرانتسيامەن بىرگە تاۋلى قاراباقتاعى جانجالدى رەتتەۋگە ىنتىماقتاستىق بىلدىرۋگە دايىن ەكەنىن جەتكىزگەن.

پرەزيدەنت وباما سونىمەن بىرگە رەسەيدىڭ سيريا پرەزيدەنتى باشار اسادقا ازاماتتارعا قارسى شابۋىلداۋىن توقتاتۋدى تالاپ ەتىپ، قىسىم كورسەتۋدى جالعاستىرا بەرۋدىڭ ماڭىزدى ەكەنىن اتاپ ءوتىپ، ءبىتىم شارتىن تولىق ورىنداۋ قاجەتتىگىن ەسكە سالعان.

پرەزيدەنتتەر سيرياداعى "يسلام مەملەكەتى", "جابحات ءان-نۋسرا", ء"ال-كايدا" سەكىلدى ەكسترەميستىك ۇيىمدارمەن بىرگە كۇرەسۋدى جالعاستىرا بەرەتىندىكتەرىن دە جەتكىزگەن.

ۋكرايناعا قاتىستى پرەزيدەنت وباما پرەزيدەنت پۋتيننەن ەلدىڭ شىعىسىنداعى كيكىلجىڭگە نۇكتە قويۋ ءۇشىن شارا قولدانۋدى سۇراپ، مينسك كەلىسىمىنىڭ ورىندالۋىنىڭ ماڭىزدى ەكەنىن اتاپ وتكەن.

اباي-اقپارات