"وزودليكتىڭ" مالىمەتى بويىنشا، وزبەكستاندا تەرگەلىپ جاتقان جاليلوۆ رەسەيدە بىرقاتار ءىرى كاسىپورىندار مەن ساۋدا كومپانيالارىنا يەلىك ەتەدى. جاقىندا Avito ۆەب-سايتىندا ۆورونەج قالاسىنداعى شىعىس اسحاناسى كافەلەر جەلىسىنىڭ ساۋداعا شىعارىلعانى تۋرالى حابارلاما جاريالاندى.

ااۆتوكونتسەرندى 2010 جىلدان باسقارعان توحيرجون جاليلوۆ كومپانيا اقشاسىن الاياقتىق جولمەن يەلەندى دەگەن ايىپپەن بيىل ءساۋىر ايىنىڭ اياعىندا ۇستالعان بولاتىن. شەنەۋنىككە GM Uzbekistan شىعارعان اۆتوموبيلدەردى رەسەيگە زاڭسىز جولمەن ەكسپورتتاۋ ارقىلى ءىرى كولەمدە قاراجات جىمقىرعان دەگەن كۇتىك كەلتىرىلدى. دەرەك كوزىنىڭ مالىمەتى بويىنشا، توحيرجون جاليلوۆپەن بىرگە كەم دەگەندە تاعى 10 ادام، سولاردىڭ ىشىندە GM Uzbekistan بۇرىنعى باس ديرەكتورىنىڭ ۇلى دا تەرگەۋگە الىنعان.

ءبىر جىل بۇرىن جاليلوۆ 8 جىلعا تۇرمەگە وتىرعان فەدەرالدىق كوشى-قون قىزمەتىنىڭ ۆورونەجدىك باسقارماسىنىڭ بۇرىنعى باسشىسى نيكولاي پولۋكازاكوۆقا قارسى قىلمىستىق ىستە كۋاگەرلىك ەتكەن بولاتىن.

فەدەرالدىق كوشى-قون قىزمەتىنىڭ بۇرىنعى باسشىسى "Uz-Daewoo – ۆورونەج" جشق قاۋىپسىزدىك قىزمەتىنىڭ باسشىسى ۆيكتور لاپيننەن 2,5 ميلليون رۋبل تۇراتىن Volkswagen Touareg ءاۆتوموبيلىن پارا رەتىندە العان. رەسەيلىك تەرگەۋشىلەردىڭ مالىمەتى بويىنشا، قىمبات اۆتوكولىك پولۋكازاكوۆقا وزبەكستان ازاماتتارىنا جۇمىس جاساۋعا جانە رەسەيدە ۋاقىتشا تۇرۋعا رۇقسات بەرگەنى ءۇشىن توحيرجون جاليلوۆتىڭ اۆتوسالونىنان سىيلانعان.

اباي-اقپارات