قىرعىزستاندا رەسەي تۋريستەرىن توناعان "جالعان پوگوندىلار" ىزدەستىرىلۋدە
ميليتسيانىڭ مالىمەتى بويىنشا، دميتري جانە يرينا رەبروۆتار ميليتسياعا شاعىمدانىپ، اينالما جولدا وزدەرىن ميليتسيا رەتىندە تانىستىرعاندار توناپ كەتكەنىن ايتقان. وقيعا 4 شىلدە كۇنى تىركەلگەن. رەبروۆتار وتباسى مۇگەدەك بالاسىن ەمدەتۋ ءۇشىن ىستىق كولگە بارا جاتقان جولدا تونالعان.
ءباسپاسوز قىزمەتىنىڭ مالىمەتى بويىنشا، قۇقىق قورعاۋ ورگاندارى قاراقشىلار مىنگەن اۆتوكولىكتىڭ ءبىر جىل بۇرىن ۇرلانعانىن انىقتاعان. تەرگەۋ توبى شۇعىل ىزدەستىرۋ جۇمىستارىن شۋ، ىستىقكول وبلىستارى اۋماعىندا جانە بىشكەك قالاسىندا جۇرگىزىپ جاتىر.
اباي-اقپارات
