بىشكەك. 8 شىلدە. قازتاگ - يگور شەستاكوۆ. قازاقستاننىڭ ءتورت پانسيوناتىن قىرعىزستاننىڭ مەملەكەت مەنشىگىنە قايتارۋى قىرعىزستان مەن قازاقستان قارىم-قاتىناسىن كۇردەلەندىرۋى مۇمكىن، دەيدى ساياساتكەر مارات قازاقپاەۆ.

«ءوز كەزىندە قىرعىزستان پارلامەنتى زاڭدى تۇردە قازاقستانعا پانسيناتتاردى قايتارىپ بەردى. سول سەبەپتى قازىر سول زاڭدى شەشىمدى قايتا قاراۋدىڭ ەشقانداي زاڭگەرلىك نەگىزى جوق»، - دەدى م. قازاقپاەۆ قىرتاگ تىلشىسىنە بەيسەنبى كۇنى بەرگەن سۇحباتىندا.

ول، پانسيوناتتاردى قازاقستانعا بەرۋدى تۋريزم سالاسىنا سالىنعان ينۆەستيتسيا دەپ قاراستىرۋ كەرەك دەيدى. ساراپشى، قىرعىزستاننىڭ كولىكپەن تاسىمالداناتىن نەگىزگى جۇك اعىمى قازاقستان تەرريتورياسى ارقىلى وتەتىنىن جانە قازاقستان «رەسپۋبليكاعا بەلسەندى ينۆەستيتسيا سالىپ وتىرعانىن اتاپ ءوتتى».

وسى سەبەپتى ول، «قىرعىزستان قازاقستان سىندى ستراتەگيالىق سەرىكتەسپەن قارىم-قاتىناستى نىعايتۋعا مۇددەلى بولۋى ءتيىس» دەپ ەسەپتەيدى.

ونىڭ پىكىرىنشە، «اتالعان ماسەلەنى تەك مەملەكەت باسشىسىنىڭ باستاماسىمەن عانا قايتا قاراۋعا بولادى».

بىشكەك. 8 شىلدە. قازتاگ - يگور شەستاكوۆ. قازاقستاننىڭ ءتورت پانسيوناتىن قىرعىزستاننىڭ مەملەكەت مەنشىگىنە قايتارۋى قىرعىزستان مەن قازاقستان قارىم-قاتىناسىن كۇردەلەندىرۋى مۇمكىن، دەيدى ساياساتكەر مارات قازاقپاەۆ.

«ءوز كەزىندە قىرعىزستان پارلامەنتى زاڭدى تۇردە قازاقستانعا پانسيناتتاردى قايتارىپ بەردى. سول سەبەپتى قازىر سول زاڭدى شەشىمدى قايتا قاراۋدىڭ ەشقانداي زاڭگەرلىك نەگىزى جوق»، - دەدى م. قازاقپاەۆ قىرتاگ تىلشىسىنە بەيسەنبى كۇنى بەرگەن سۇحباتىندا.

ول، پانسيوناتتاردى قازاقستانعا بەرۋدى تۋريزم سالاسىنا سالىنعان ينۆەستيتسيا دەپ قاراستىرۋ كەرەك دەيدى. ساراپشى، قىرعىزستاننىڭ كولىكپەن تاسىمالداناتىن نەگىزگى جۇك اعىمى قازاقستان تەرريتورياسى ارقىلى وتەتىنىن جانە قازاقستان «رەسپۋبليكاعا بەلسەندى ينۆەستيتسيا سالىپ وتىرعانىن اتاپ ءوتتى».

وسى سەبەپتى ول، «قىرعىزستان قازاقستان سىندى ستراتەگيالىق سەرىكتەسپەن قارىم-قاتىناستى نىعايتۋعا مۇددەلى بولۋى ءتيىس» دەپ ەسەپتەيدى.

ونىڭ پىكىرىنشە، «اتالعان ماسەلەنى تەك مەملەكەت باسشىسىنىڭ باستاماسىمەن عانا قايتا قاراۋعا بولادى».

ساراپشىنىڭ بۇل پىكىرىن رەسپۋبليكاداعى تۋريزم سالاسىنىڭ مامانى، «C.A.T. سompany» كومپانياسىنىڭ جەتەكشىسى دانيار كازاكوۆ تا قولداپ وتىر. اتاپ ايتقاندا، «اۆتوموبيليست قازاقستانا»، «سامال» دەمالىس ۇيلەرى مەن «قازاقستان» ءساناتوريىن جانە «ۋنيۆەرسيتەت» تىنىعۋ-ساۋىعۋ لاگەرىن قازاقستاندىق تاراپقا بەرۋ، قىرعىزستاننىڭ ۇلتتىق مۇددەسىنە ساي كەلەدى، دەيدى ول.

«رەسپۋبليكانىڭ نەگىزگى تۋريستىك تىنىعۋ اۋماعى ىستىق-كول بولىپ تابىلادى. شەتەلدىك قوناقتاردىڭ 50 پايىزدان استامى جىل سايىن قازاقستاننان كەلەدى»، - دەدى ول.

تۋريستىك فيرما جەتەكشىسىنىڭ ايتۋىنشا، بيىلعى ماۋسىمدا كوپتەگەن پانسيوناتتار قازاقستاندىق تۋريستەردىڭ كەلمەۋىنەن وراسان زور شىعىن كورۋدە. بۇل ءوز كەزەگىندە مەمبيۋدجەتتىڭ كىرىسىنە دە، تۋريزم سالاسىنا دا كەرى اسەرىن تيگىزۋدە، دەپ ەسەپتەيدى د. كازاكوۆ.

«قازاقستانعا تيەسىلى پانسيوناتتاردى مەملەكەت مەنشىگىنە الۋ يدەياسى قازاقستاندىق تۋريستەردى ودان سايىن شوشىتادى. بۇل بيىلعى تۋريستىك ماۋسىمدى قيىنداتۋى مۇمكىن. قازاقستان دا بۇعان جاۋاپ قادامدار قابىلداۋى مۇمكىندىگىن جوققا شىعارۋعا بولمايدى»، - دەدى ول.

بۇرىن حابارلانعانداي، ۋاقىتشا ۇكىمەت توراعاسىنىڭ ورىنباسارى ازىمبەك بەكنازاروۆ اتالعان پانسيناتتاردى مەملەكەت مەنشىگىنە قايتارىلۋىن تالاپ ەتەتىنىن مالىمدەگەن. ونىڭ ايتۋىنشا، وسى شارانى ىسكە اسىرۋعا قۇقىقتىق نەگىز بولاتىن دەكرەت جوباسى  دايىندالىپ، ول جاقىن كۇندەرى ۋاقىتشا ۇكىمەت وتىرىسىنا ۇسىنىلماقشى. «مەن ءوز ماقساتىمنان باس تارتپايمىن. مەن جوبانى ۋاقىتشا ۇكىمەت وتىرىسىنا ۇسىنامىن، ال ءۋۇ مۇشەلەرى قالاي داۋىس بەرەتىنى سول كەزدە كورىنەدى»، - دەگەن ءا. بەكنازاروۆ.