تۇركيانىڭ Yeni Safak ۇكىمەتتىك گازەتى رەسەيلىك جانكەشتىنىڭ ءبىرى داعىستاننان شىققاندىعىن جازعان. گازەتتىڭ جازۋىنشا، شابۋىلدى ۇيىمداستىرعان شەشەنستاننان شىققان احمەد چاتاەۆ دەگەن ادام. چاتاەۆ بۇۇ سانكتسياسىنا ەنگىزىلگەن ادامداردىڭ تىزىمىنە ەنگەن. ول "يسلام مەملەكەتى" راديكالدى ۇيىمنىڭ ليدەرلەرىنىڭ ءبىرى سانالادى ەكەن. ول ءورىستىلدى سودىرلاردى جيناپ، سولاردى جاتتىقتىرۋمەن اينالىسادى دەپ جازعان گازەت.

ءوز كەزەگىندە قىرعىزستان كونسۋلدىعى تۇرىك تاراپى جانكەشتىنىڭ ءبىرى قىرعىزستاندىق ەكەنىن رەسمي راستاعان جوق دەيدى.

اتاتۇرىك اۋەجايىندا بولعان تەراكتى ناتيجەسىندە سوڭعى مالىمەتتەر بويىنشا 43 ادام قازا تاپقان، 240 ادام جارالانعان.

ستامبۋلدا جۇرگىزىلگەن رەيد بارىسىندا تەراكتىگە قاتىسى بار كۇدىكتى 13 ادام ۇستالعان. تاعى 9 ادام يزميردە تۇتقىندالعان. ازىرگە ولاردىڭ ستامبۋلداعى تەراكتىگە قاتىسى بار، جوعى انىقتالىپ جاتىر.

اباي-اقپارات