ول سونىمەن قاتار اسكەر ء"تۇرلى قارقىنداعى جانە داعدارىس جاعدايىنداعى اسكەري قاقتىعىستاردا" تاپسىرمالاردى ورىنداۋعا دايىن بولۋ كەرەگىن ءبىلدىردى. شويگۋدىڭ سوزىنشە، اسكەر دايىندىعىن تەكسەرۋ 22 ماۋسىمعا دەيىن سوزىلادى.

2014-2015 جىلدارى رەسەي ارمياسى مەن اسكەري تەحنيكالارىن بىرنەشە رەت شۇعىل تەكسەرگەن. 2015 جىلى قىركۇيەكتە "تسەنتر-2015" دەپ اتالعان جاتتىعۋعا 100 مىڭعا تارتا اسكەري قىزمەتكەر، جەتى مىڭنان استام قارۋ-جاراق پەن تەحنيكا، 170 ۇشاق پەن 20 كەمە قاتىسقان. سونىمەن قاتار ورتالىق، وڭتۇستىك جانە باتىس اسكەري وكرۋگتەرىندە دە اسكەري جاتتىعۋلار وتكىزىلگەن.

ۋكراينا بيلىگى مۇنداي اسكەري جاتتىعۋلاردان سوڭ شەكاراسىندا رەسەيلىك اسكەريلەر سانى ارتىپ كەتەتىنىن ايتادى. باتىس ەلدەرى رەسەيدە اسكەري جاتتىعۋلاردىڭ ءجيى وتكىزىلەتىنىنە الاڭدايدى.

اباي-اقپارات