كەشە ءوزىن اقتوبە قالاسىنىڭ تۇرعىنىمىن دەگەن دانيار ۋايسوۆ جاس جىگىت الەۋمەتتىك جەلىدە ۆيدەو ۇندەۋ جاساپ، "اقپارات قۇرالدارىندا تارالعان تەراكتىلەرگە قاتىستى وقيعالاردا قازا تاپقاندار تىزىمىندە ءوزىنىڭ اتى-ءجونى جۇرگەنىنە" نارازىلىق تانىتقان. ول مۇنداي مالىمەتتى تاراتتى دەگەن اقپارات قۇرالدارى مەن مەملەكەتتىك ورگانداردان وزىنەن كەشىرىم سۇراۋىن تالاپ ەتكەن.

دانيار ۋايسوۆ ۆيدەودا كورسەتكەن باعىتتاما Instagram الەۋمەتتىك جەلىسىندەگى Zello Aktobe دەپ اتالاتىن توپ پاراقشاسىندا جاريالانعان. ءوزىن Zello Aktobe توبىنىڭ وكىلى قايرات دەپ اتاعان ادام باعىتتاما وزدەرىنە WhatsApp جەلىسىنەن كەلگەنىن ايتادى.

اقتوبەدە بۇگىن 5 ماۋسىمدا جاسالعان قارۋلى شابۋىلداردان كەيىن تەرروريزمگە قارسى وپەراتسيا باستالىپ، 12 ماۋسىمدا اياقتالعان. شابۋىلدار سالدارىنان ءتورت بەيبىت تۇرعىن مەن ءۇش اسكەري قىزمەتكەر قازا تاپقان. ۇلتتىق قاۋىپسىزدىك كوميتەتىنىڭ وكىلى قىلمىسقا كۇدىكتى 9 ادام ۇستالىپ، 18-ءىنىڭ كوزى جويىلعانىن حابارلاعان.

اباي-اقپارات