ءماۋلانا جانە ورازا
سوپىلىق ءىلىمنىڭ كورنەكتى وكىلى، ءيسى مۇسىلمانعا ورتاق ءدىني قايراتكەر، رۋحاني الىپ ءماۋلانا ءجالالاددين رۋمي - قۇدايعا عاشىقتىعىمەن، تاقۋا عۇمىر كەشۋىمەن، جالپاق جۇرتتى رۋحاني سۋسىنداتۋىمەن الەمگە تانىمال تۇلعالاردىڭ ءبىرى. عالىمنىڭ كوپتەگەن شەت تىلدەرگە اۋدارىلعان «ءماسناۋ-ي ءشاريف» پەن «ديۋانى حيكمەت» ەڭبەكتەرى تۇتاستاي يسلام تاعىلىمدارىن، رۋحاني تازالىق پەن يماندىلىقتى دارىپتەۋگە ارنالعان.
ءماۋلانا مۇسىلماندىق پارىزداردى وتەپ قانا قويماعان، ونىڭ تەرەڭىنە ءۇڭىلىپ، ەرەكشە ىقىلاسپەن، زور ماحابباتپەن اتقارعان. رامازان ايى، ورازا تۋرالى ايتقان تومەندەگى سىرلى، عاجاپ ويلارى وسىنى اڭعارتاتىنداي.
* ورازا ايى كەلدى! بارشاڭىزعا قۇتتى بولسىن! ۋا، قۇلشىلىق ساپارىندا ورازاعا دوس بولعان جان! ساپارىڭ ءساتتى بولسىن!
* ورازا ايى كەلگەندە سول ايعا جەتكىزگەن حاق تاعالاعا شۇكىر ەتىپ، قۋانىشپەن قارسى ال. ويتكەنى بۇل ايدىڭ كەلگەنىن جاقتاماعاندارعا ورازا ۇستاۋ - حارام. ولار ورازادان ساداعا كەتسىن.
* مەن ايدى كورەيىن دەپ تامنىڭ توبەسىنە شىقتىم. ويتكەنى شىن كوڭىلىممەن ورازانى قاتتى ساعىنىپ ەدىم. ونى قاتتى كۇتۋدەمىن.
* ۋا، مۇسىلماندار. جاراتۋشىعا عاشىق بولعالى بەرى مەن ونسىز دا شالقىعان كۇي كەشۋمەن كەلەمىن. ەس-تۇستەن سول كەزدەن بەرى ايرىلعام. اھ، ورازانىڭ نە دەگەن باقىتى بار، كەرەمەت بايلىعى بار، كۇيى بار؟!
* ورازاعا قۇلشىنىس تانىت، سابىر ساقتا، ورازانى تاستاما، ۇنەمى حاقتىڭ رازىلىعىن كوزدە!
سوپىلىق ءىلىمنىڭ كورنەكتى وكىلى، ءيسى مۇسىلمانعا ورتاق ءدىني قايراتكەر، رۋحاني الىپ ءماۋلانا ءجالالاددين رۋمي - قۇدايعا عاشىقتىعىمەن، تاقۋا عۇمىر كەشۋىمەن، جالپاق جۇرتتى رۋحاني سۋسىنداتۋىمەن الەمگە تانىمال تۇلعالاردىڭ ءبىرى. عالىمنىڭ كوپتەگەن شەت تىلدەرگە اۋدارىلعان «ءماسناۋ-ي ءشاريف» پەن «ديۋانى حيكمەت» ەڭبەكتەرى تۇتاستاي يسلام تاعىلىمدارىن، رۋحاني تازالىق پەن يماندىلىقتى دارىپتەۋگە ارنالعان.
ءماۋلانا مۇسىلماندىق پارىزداردى وتەپ قانا قويماعان، ونىڭ تەرەڭىنە ءۇڭىلىپ، ەرەكشە ىقىلاسپەن، زور ماحابباتپەن اتقارعان. رامازان ايى، ورازا تۋرالى ايتقان تومەندەگى سىرلى، عاجاپ ويلارى وسىنى اڭعارتاتىنداي.
* ورازا ايى كەلدى! بارشاڭىزعا قۇتتى بولسىن! ۋا، قۇلشىلىق ساپارىندا ورازاعا دوس بولعان جان! ساپارىڭ ءساتتى بولسىن!
* ورازا ايى كەلگەندە سول ايعا جەتكىزگەن حاق تاعالاعا شۇكىر ەتىپ، قۋانىشپەن قارسى ال. ويتكەنى بۇل ايدىڭ كەلگەنىن جاقتاماعاندارعا ورازا ۇستاۋ - حارام. ولار ورازادان ساداعا كەتسىن.
* مەن ايدى كورەيىن دەپ تامنىڭ توبەسىنە شىقتىم. ويتكەنى شىن كوڭىلىممەن ورازانى قاتتى ساعىنىپ ەدىم. ونى قاتتى كۇتۋدەمىن.
* ۋا، مۇسىلماندار. جاراتۋشىعا عاشىق بولعالى بەرى مەن ونسىز دا شالقىعان كۇي كەشۋمەن كەلەمىن. ەس-تۇستەن سول كەزدەن بەرى ايرىلعام. اھ، ورازانىڭ نە دەگەن باقىتى بار، كەرەمەت بايلىعى بار، كۇيى بار؟!
* ورازاعا قۇلشىنىس تانىت، سابىر ساقتا، ورازانى تاستاما، ۇنەمى حاقتىڭ رازىلىعىن كوزدە!
* ادامنىڭ ناماز وقۋعا كوڭىلى اۋى، اۋىز بەكىتۋى - پەندەنى حاقتىڭ وزىنە جاقىنداتۋىنىڭ بەلگىسى.
* رامازان ايى كەلدى، قولىمىزعا عاشىقتىق پەن يمان پاتشاسىنىڭ بايراعى بەرىلدى. ەندىگى جەردە تاعامنان بويىڭدى اۋلاق ۇستا. ويتكەنى كوكتەن رۋحاني ازىق كەلدى ءارى رۋحاني داستارحان جايىلدى.
* ءبىزدى جامان قىلىقتار مەن كۇنا جاساۋعا يتەرمەلەيتىن لاس ءناپسىمىز تازالانۋعا ءزارۋ. رامازان ايى كەلگەندە، كۇنا قاپاسىنىڭ ەسىگى قيراپ، جان ناپسىگە باعىنىشتىلىقتان ارىلادى، ميعراجعا شىعادى، سۇيىكتىمەن كەزدەسەدى.
* سابىر - جانعا جاعىمدى بۇلت ءتارىزدى. ودان دانالىق پەن رۋحاني يگىلىكتەر جاۋادى. وسى سەبەپتى، قۇران كارىم دە وسى سابىرلىق ايىندا تۇسكەن.
* يسلامنىڭ عيماراتىنىڭ نەگىزىن بەس باعانا قۇرايدى. اللاھقا انت ەتەيىن، وسى باعانالاردىڭ ەڭ كۇشتىسى - ورازا.
* اللاھ تاعالا وسى بەس نەگىزدىڭ ارقايسىسىندا ورازانى، ورازانىڭ تاعدىرىن جاسىرعان. ونسىز دا ورازا قادىر ءتۇنى سياقتى جاسىرىن عوي.
* سەن ورازاعا قاسيەت تۇنعان زات سەكىلدى قارا. ورازا ادامعا جان بىتىرەدى. كوڭىلىن مارقايتادى. تاڭعالارلىق نارسە كورگىڭ كەلسە، ورازاعا تاڭىرقا.
* ورازا جاننىڭ كوزىن اشۋ ءۇشىن ءتاننىڭ كوزىن بىتەيدى. سەنىڭ كوكىرەك كوزىڭ سوقىر بولعاندىقتان، وقىعان نامازدارىڭ مەن جاساعان عيباداتتارىڭ ساناڭا ساۋلە ءبىتىرىپ، اقيقاتتى كورسەتپەيدى.
* ورازا ادامدىقتى ايۋاندىقتان اجىراتۋعا ارنالعان.
* شايتاننىڭ قارنىڭ جاراتىن قانجار ىسپەتتى، شايتاندى ءولتىرىپ، ءناپسىنىڭ قانىن اعىزۋ ءۇشىن الەمدە ورازادان اسقان نە بار؟
* ناپسىمەن سوعىسقا ءتۇسىپ جەڭگىسى كەلگەن كۇرەسكەر ءۇشىن ورازا - جاساقتاعان ءجۇز مىڭ قولدان دا ارتىق.
* ورازا ساعىنىش زارىن تارتقانداردىڭ جان سارايىن تازارتاتىندىعى سونشالىق، بەيشارا بالىقتىڭ ءوزىن سۋ سونشالىقتى تازارتا المايدى.
* ورازا - اللاھ تاعالانىڭ ەرەكشە قۇلدارىن سۇلەيمەن پايعامباردىڭ ءسان-سالتاناتىنا بولەيتىن جۇزىك نەمەسە ءتاج. بۇل سيقىرلى ءتاجدى تاڭداۋلى قۇلدارىنا عانا كيگىزەدى.
* اۋىز بەكىتكەن جاننىڭ كۇلكىسى - ورازا ۇستاماعان جاننىڭ ساجدەدەگى كۇيىنەن الدەقايدا جاقسى. ويتكەنى ورازا راحمان يەنىڭ داستارحانىنان ءدام بۇيىرتادى.
* ءوزىڭ بايقامايسىڭ، تاماق جەگەن كەزىڭدە ىشىڭە كىر تولادى. ورازا بولسا مونشا سەكىلدى. سەنى ءارى رۋحاني ءارى بارلىق كىرلەردەن، بارشا جاماندىقتاردان تازارتادى.
* سەن ءبىلىم نۇرىمەن نۇرلانعان ايۋان كورىپ پە ەدىڭ؟ ءتان دە ءبىر - ايۋان. ايۋاننىڭ قامىن كۇيتتەيمىن دەپ ورازانى تاستاما.
* سەن ۋاحدات تەڭىزىنەن جەكە دومالاپ تۇسكەن ءبىر تامشى سەكىلدىسىڭ. نەگىزىڭە قالاي ورالماقسىڭ؟ مىنە، ورازا تاسقىن سەكىلدى، جاڭبىر سەكىلدى سەنى جەتەكتەپ اپارىپ تەڭىزگە قوسادى.
* كوك داستارحانىنا، رۋحقا ءتان داستارحاندارعا پاك كىسىلەر عانا جينالدى. مىنە، ورازا ساعان سول كىسىلەرمەن بىرگە ءبىر ىدىستان ءدام بۇيىرتادى.
* جان سارايىم قۇران نۇرىنا مالىنسىن دەسەڭ، مىنانى ءبىل، قۇران نۇرىنىڭ سىرى - ورازادا.
* ناپسىڭمەن ايقاسقا تۇسكەندە «مەن ورازامدى سونشالىق وپ-وڭاي بۇزا سالمايمىن» دەپ بويىڭدى تەجە، الاقانىڭدى ىسقىلا، اياقتارىڭدى نىقتا، تاباندىلىق تانىت!
* ورازا سەنى كوڭىلى كۇندەي جارقىن، جانى تازا كۇيگە جەتكىزەدى. كەيىننەن پاتشامەن كەزدەسەتىن مەرەكە كۇنى ءوزىن قۇرباندىققا شالادى. سەنى مەنمەندىكتەن ارىلتادى.
* كىمدە كىم ساۋ ءجۇزىن سارعايتسا، ورازانىڭ جىبەك كيىمىن كيەدى.
* بۇل ايدا دۇعالار قابىل بولادى. اۋىز بەكىتۋشىنىڭ قينالىسى كوكتى تەبىرەنتەدى.
* ورازا قۇدىعىندا وتىرىپ سابىر ەتكەن كىسى ءجۇسىپ پايعامبارداي ماحاببات مىسىرىندا سۇلتان بولادى.
* ەندى تاعامدى كۇيسەۋىڭدى قوي، ءدامدى ورازا كەلدى. بۇگىنگە دەيىن ءىشىپ-جەۋدىڭ يگىلىگىن كوردىڭ، ەندى ورازانىڭ يگىلىگىن كور.
* ۋا، سارەسىگە تۇرىپ، سارەسى اسىن ىشكەن كىسى! از سويلە، ءتىپتى ۇندەمەي-اق قوي. سەن ۇندەمە، ورازانى تۇسىنگەندەر، ورازا جايلى ءسوز ەتسىن.
* قۇستاردىڭ قانات قاعۋى پەرىشتەلەردىڭ قانات قاعۋىمەن سالىستىرۋعا كەلە مە؟ قۇستار جەم ءۇشىن ۇشادى، پەرىشتەلەر بولسا ورازاعا قاراي قانات قاعادى.
* شايتاننىڭ بۇكىل ايلا-شارعىسى، وقتارى ورازانىڭ قالقانىنا تيگەندە بىت-شىتى شىعادى.
* وتىز كۇن بويى رامازان تەڭىزىندە ءارلى-بەرلى ءجۇز. سوڭىندا ورازانىڭ ىنجۋىنە قولىڭ جەتەدى.
* كەيبىر قيىندىقتارى كەزىكسە دە، ورازانىڭ مىڭ ءبىر ءتۇرلى يگىلىگى بار. ورازاعا دەگەن ساعىنىش مۇلدەم بولەك.
* رامازان ايىندا ءىشىپ-جەۋگە، تاماققا، جامان ءسوز سويلەمەۋگە سابىر ساقتاعاندىقتان، وسى سابىر سەنىڭ رۋحاني تۇسىنىگىڭدى مولايتادى. كوكىرەك كوزىڭدى اشادى.
قۇدايبەردى باعاشار، ءدىنتانۋشى
