اتا-انالاردىڭ حابارلاۋىنشا، 2014 جىلدىڭ سوڭىنان باستالعان وقۋشى بالالاردىڭ تۇسىنىكسىز دەرتتەن تالىپ قۇلاي بەرۋى ءالى توقتاماعان. بالالاردىڭ كەيبىرىنىڭ جاعدايى جاقسارماي، ناشارلاي تۇسكەن.

Crude Accountability ۇيىمىنىڭ مالىمەتىنشە، كەيبىر اتا-انا بالاسىن كورشىلەس رەسەيگە اپارىپ، ءوز قارجىسىنا دارىگەرلىك تەكسەرۋدەن وتكىزىپ، ەمدەتە باستاعان. ۇيىم ماسكەۋگە تەكسەرۋگە اپارىلعان ءۇش بالاعا رەسەيلىك دارىگەرلەر "مي توكسيننەن ۋلانعان" دەگەن دەگەن دياگنوز قويعانىن جانە ودان ەمدەلۋ ۇزاققا سوزىلاتىنىن ايتقانىن حابارلادى.

"بالالار ما، مۇناي ما؟" كواليتسياسى بەرەزوۆكاعا جاقىن قاراشىعاناق مۇناي-گاز كوندەنساتى كەنىشىن يگەرىپ جاتقان كونسورتسيۋم قۇرامىنداعى Chevron, Eni, BG Group, "لۋكويل" جانە "قازمۇنايگاز" كومپانيالارىن، قازاقستان بيلىگىنكەنىشتە ۋلى قالدىق شىعارىلعانىن مويىنداۋعا شاقىرادى. كواليتسيا سونىمەن قاتار اتالعان تاراپتاردى بەرەزوۆكالىق بالالاردى تەكسەرتىپ، ەمدەتۋگە جانە ولارعا دەنساۋلىعىنا كەلگەن زارداپ ءۇشىن وتەماقى تولەۋگە شاقىرادى.

بەرەزوۆكا تۇرعىندارى 2014 جىلى بالالاردىڭ جاپپاي ۋلانۋىن "اۋىلعا جاقىن قاراشىعاناق مۇناي-گاز كوندەنساتى كەنىشىنەن اۋاعا تاراعان ۋلى زاتتان" كورەدى. كەنىشتى يگەرەتىن Karachaganak Petroleum Operating كومپانياسىنىڭ باسشىلىعى مۇنى جوققا شىعارىپ، قالدىق ەكولوگيالىق تالاپتارعا ساي شىعارىلعان دەيدى.

2015 جىلى شىلدەدە قازاقستان ۇكىمەتى كەنىش ماڭىنداعى سانيتارلىق قورعاۋ ايماعىن كەڭەيتىپ، بەرەزوۆكا تۇرعىندارىن كوشىرۋ تۋرالى شەشىم قابىلداعان.

Abai.kz