گۇلسىم بەيىمبەتقىزىنىڭ ەستەلىگى. گۇلسىم الماتىدا دارىگەر بولىپ قىزمەت ىستەيدى. ءبىر كۇنى جۇمىسىندا ءبىر كەلىسپەۋشىلىك بولىپ، قىزمەتىنەن شىعىپ قالىپتى. بىردەن جاڭاارقاداعى اپكەسى رازياعا قوڭىراۋ شالادى. جىلاپ جاعدايىن ايتادى.

ءبىر-ەكى كۇننەن كەيىن گۇلسىمنىڭ ۇيىنە دەنساۋلىق ساقتاۋ ءمينيسترىنىڭ حاتشىسى تەلەفون سوعادى. ول كەزدە مينيستر مۇحتار اليەۆ ەكەن. ء«سىزدى مينيستر شاقىرىپ جاتىر» دەيدى. گۇلسىمنىڭ ەسى شىعادى. جۇمىس ورنىندا­عى­لار مينيسترلىككە شاعىمدانعان دەپ ويلايدى. ءسويتىپ، مينيسترگە بارسا، حاتشىسى جىلى قارسى الىپتى. ىشىنەن «جامان ەمەس سياقتى» دەپ ويلايدى. مينيسترگە كىرسە، ول دا جىلى قاباق تانىتادى.

«گۇلسىم مايليناسىز عوي؟». ء«يا». ء«سىزدىڭ جۇمىسىڭىزدا ءبىر كەلىسپەۋشىلىك بولىپ، شىعىپ قالعان ەكەنسىز. ەشتەڭە جوق. ونداي-ونداي بولىپ تۇرادى. جۇمىسىڭىزدان شىققان جوقسىز. الاڭسىز ىستەي بەرىڭىز. ال ءرازيا بەيىمبەتوۆنا مايلينا سىزگە كىم بولادى؟». «اپكەم». «ال، كىم بوپ جۇمىس ىستەيدى؟». «ۆوكزالدا كاسسير» دەپ جاۋاپ بەرىپتى.

سويتسە ءرازيا ءوزىنىڭ مىنەزىنە سالىپ، «قازسسر دەنساۋلىق ساقتاۋ ءمينيسترى م. اليەۆ جولداسقا. وسىنداي جەردەن جۇمىستان شىعىپ قالعان گۇلسىم مايلينا جۇمىسقا قايتا الىنسىن. ءرازيا بەيىمبەتوۆنا مايلينا» دەگەن مازمۇندا قول قويىپ، حات جازىپ جىبەر­سە كەرەك. ال مينيستر وزىنە بۇيى­را حات جازعان ادامدى ۇلكەن لاۋا­زىمنىڭ يەسى ەكەن دەپ قالعانى انىق.

پ.س: قۋعان-سۇرگىنگە ۇشىراعان ءار قازاق تاعدىرىنىڭ ار جاعىندا جاردىڭ، ۇل-قىزدىڭ اۋىر ءومىر جولى بار. اللا جارىلقاسىن ولاردى.

باعاشار تۇرسىنبايۇلى

Facebook-تەگى پاراقشاسىنان