رەسمي دەرەك بويىنشا، 29 مامىردا وتكەن دۋشانبە قالاسى حالىق دەپۋتاتتارى مەن استانا اۋداندىق دەپۋتاتتارى ءماجىلىسىنىڭ ورتاق سەسسياسىندا وزودا راحمون ەل پارلامەنتىنە سەناتور بوپ سايلانعان. دەپۋتاتتار وعان ء«بىراۋىزدان» جاقتاپ داۋىس بەرگەن.

بۇعان دەيىن ەل پارلامەنتىنىڭ جوعارعى پالاتاسىنا № 4 وكرۋگتەن پرەزيدەنت اكىمشىلىگىنىڭ بۇرىنعى باسشىسى باحتيور حۋدويورزودا سايلانعان بولاتىن. ول قاڭتاردىڭ اياعىندا سايلاۋ جانە رەفەرەندۋمدار بويىنشا ورتالىق سايلاۋ كوميسسياسىنىڭ جەتەكشىسى بوپ تاعايىندالعانىنا بايلانىستى، سەناتورلىق جۇمىسىن توقتاتقان بولاتىن.

38 جاستاعى وزودا راحموننىڭ 5 بالاسى بار. زاڭ عىلىمدارىنىڭ كانديداتى، 2005-2007 جىلدارى تاجىكستاننىڭ اقش-تاعى ەلشىلىگىنىڭ مادەنيەت بولىمىندە جۇمىس ىستەدى، 2007-2009 جىلدارى تاجىكستان ءسىم كونسۋلدىق باسقارماسىنا جەتەكشىلىك ەتتى، 2009-2014 جىلدارى تاجىكستان سىرتقى ىستەر ءمينيسترىنىڭ ورىنباسارى بولدى، ال 2014 جىلدىڭ 15 مامىرىنان باستاپ ءسىم باسشىسىنىڭ ءبىرىنشى ورىنباسارى رەتىنلە تاعايىندالدى. ۇستىمىزدەگى جىلدىڭ 27 قاڭتارىندا وزودا راحمون تاجىكستان پرەزيدەنتىنىڭ اتقارۋشى اپپاراتىنىڭ جەتەكشىسى بولدى.

اباي-اقپارات