اندرەي كراۆچەنكو 21 مامىردا «جەر ماسەلەسى» بويىنشا ەش جەردە رۇقسات بەرىلمەسە دە، بۇل ازاماتتاردىڭ «وزدەرىن نە كۇتىپ تۇرعانىن بىلە تۇرا» كوشەگە شىققاندارىن ايتتى.

باس پروكۋروردىڭ ورىنباسارى 51 ازاماتتىڭ تورتەۋى اكىمشىلىك قاماۋعا الىنعانىن، 12 ادامعا ايىپپۇل سالىنعانىن، 21 ازاماتقا سوتتىڭ ەسكەرتۋ جاساعانىن مالىمدەدى. كراۆچەنكو 21 مامىرداعى وقيعالار بويىنشا قىلمىستىق ءىستىڭ قوزعالماعانىن قوسىپ قويدى.

«جەر كوميسسياسىنىڭ» مۇشەسى مۇحتار تايجان ۇستالعان كەي بەلسەندىنىڭ ۇستىنەن ۇلتارالىق الاۋىزدىق تۋدىردى جانە بيلىكتى كۇشپەن قۇلاتپاق بولدى دەگەن ايىپپەن قىلمىستىق ءىس قوزعالعانى تۋرالى اڭگىمەنىڭ راس-وتىرىگىن ايتۋدى سۇرادى. اندرەي كراۆچەنكو ماسەلەگە قاتىستى مالىمەتتەردى كورسەتۋ ءۇشىن ونىمەن كوميسسي وتىرىسىنان كەيىن جەكە كەزدەسۋگە ۋادە بەردى.

21 مامىردا قازاقستاننىڭ بىرقاتار قالاسىندا ازاماتتار جەر رەفورماسىنا قارسى نارازىلىقتارىن ءبىلدىرۋ ءۇشىن بەيبىت ميتينگكە شىعۋعا ارەكەت جاسادى. قۇقىق قورعاۋشىلاردىڭ دەرەگىنشە، كەمىندە جۇزدەگەن ادام ۇستالىپ، ولاردىڭ كوپشىلىگى پوليتسيا بولىمدەرىنە اكەلىنگەن سوڭ بوساتىلدى. دەگەنمەن قارسىلىق ميتينگتەرى وتپەي قالدى. تىيىم سالىنعان ميتينگتى ۇيىمداستىردى دەگەن ايىپپەن 30-دان استام بەلسەندى اكىمشىلىك قاماۋدا وتىر.

اباي-اقپارات