قاسيەتتى تۇركىستاندا حالىقارالىق ءىىى تۇركولوگيا كونگرەسىنە قاتىسۋشىلار تاعى دا وسى ماسەلەنى ءسوز ەتتى.
بيىلعى جىلى ەلىمىزدە تۇرىك تەكتەس حالىقتاردىڭ تاريحى، ءتىلى مەن مادەنيەتى ءھام بۇگىنگى كۇنگى ينتەگراتسياسى جونىندە قاتارىنان ءۇش رەت القالى باس قوسۋ ءوتتى.
الماتىدا ءساۋىر ايىنىڭ ىشىندە س.دەميرەل ۋنيۆەرسيتەتى «مادەنيەتتەر توعىسىنداعى ادەبيەت، ءتىل جانە اۋدارما ماسەلەلەرى» دەگەن اتپەن تۇركولوگيا كونفەرەنتسياسىن، سونداي-اق، ىلە-شالا حالىقارالىق تۇركسوي ۇيىمى مەن مادەني ساياسات جانە ونەرتانۋ ينستيتۋتى «وركەنيەتتەر ديالوگىنداعى تۇركى الەمىنىڭ ءرولى» اتتى حالىقارالىق سيمپوزيۋمنىڭ تۇساۋىن كەستى. ال، مامىر ايىنىڭ 18-20  كۇندەرى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى «بۇگىنگى تۇركولوگيانىڭ وزەكتى ماسەلەلەرى مەن كەلەشەگى» (ورتاق ءتىل، تاريح جانە الىپپە) - دەگەن اتپەن ءداستۇرلى ءىىى تۇركولوگيا كونگرەسىن وتكىزدى. كوكشەتاۋدا دا الدىمىزداعى ماۋسىم ايىندا تۇركولوگيا كونفەرەنتسياسىنىڭ وتەتىنىن ەسكەرسەك، ەلىمىزدەگى بيىلعى جىلدى «تۇركولوگيا جىلى» - دەپ ايتۋعا ابدەن بولاتىنداي.

قاسيەتتى تۇركىستاندا حالىقارالىق ءىىى تۇركولوگيا كونگرەسىنە قاتىسۋشىلار تاعى دا وسى ماسەلەنى ءسوز ەتتى.
بيىلعى جىلى ەلىمىزدە تۇرىك تەكتەس حالىقتاردىڭ تاريحى، ءتىلى مەن مادەنيەتى ءھام بۇگىنگى كۇنگى ينتەگراتسياسى جونىندە قاتارىنان ءۇش رەت القالى باس قوسۋ ءوتتى.
الماتىدا ءساۋىر ايىنىڭ ىشىندە س.دەميرەل ۋنيۆەرسيتەتى «مادەنيەتتەر توعىسىنداعى ادەبيەت، ءتىل جانە اۋدارما ماسەلەلەرى» دەگەن اتپەن تۇركولوگيا كونفەرەنتسياسىن، سونداي-اق، ىلە-شالا حالىقارالىق تۇركسوي ۇيىمى مەن مادەني ساياسات جانە ونەرتانۋ ينستيتۋتى «وركەنيەتتەر ديالوگىنداعى تۇركى الەمىنىڭ ءرولى» اتتى حالىقارالىق سيمپوزيۋمنىڭ تۇساۋىن كەستى. ال، مامىر ايىنىڭ 18-20  كۇندەرى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى «بۇگىنگى تۇركولوگيانىڭ وزەكتى ماسەلەلەرى مەن كەلەشەگى» (ورتاق ءتىل، تاريح جانە الىپپە) - دەگەن اتپەن ءداستۇرلى ءىىى تۇركولوگيا كونگرەسىن وتكىزدى. كوكشەتاۋدا دا الدىمىزداعى ماۋسىم ايىندا تۇركولوگيا كونفەرەنتسياسىنىڭ وتەتىنىن ەسكەرسەك، ەلىمىزدەگى بيىلعى جىلدى «تۇركولوگيا جىلى» - دەپ ايتۋعا ابدەن بولاتىنداي.
ءيا، تۇرىك تىلدەس حالىقتاردىڭ باسىن بىرىكتىرۋ ماسەلەسى تۇرىك تەكتەستەردىڭ كۇن تارتىبىنەن ەشقاشان تۇسكەن ەمەس. ەر تۇرىكتىڭ ورتا عاسىرلاردا ءبىر ەمەس، بىرنەشە رەت ەۋرازيا كەڭىستىگىندە دۇركىن-دۇركىن ات ويناتىپ، دۇنيەنى ءدۇر سىلكىندىرىپ، تورتكۇل الەمگە ءوز ۇستەمدىگىن پاش ەتكەندىگىن ماقتان تۇتىپ، اۋىز تولتىرىپ ايتقانىمىزبەن، سوڭعى ءۇش عاسىردان بەرى تۇرىك تەكتەس حالىقتاردىڭ موينىنان قۇلدىق قامىتتىڭ تۇسپەي، يمپەرياليستىك ساياساتتىڭ قۇربانى بولىپ كەلە جاتقاندىعى كوڭىلگە كىربىڭ، جۇرەككە جارا سالىپ جۇرگەندىگى ەشكىمگە جاسىرىن ەمەس. ءحىح عاسىردىڭ اياعى مەن حح عاسىردىڭ باسىندا ءومىر سۇرگەن تۇرىك ۇلتشىلدارى بوداندىقتىڭ تەمىر قۇرساۋىنان قۇتىلىپ، يمپەرياليزم دەگەن قاراڭعىلىقتىڭ پەردەسىن سەرپىپ، بوستاندىققا قول جەتكىزۋدى ماقسات ەتتى. حالقىنىڭ قامىن جەگەن قارانار ازاماتتار ءتۇرلى قوزعالىستار جاساپ، وتارشىلدىققا قارسى كۇرەسۋدە ورتاقتاسۋدى ويلاعانمەن، ءتۇرلى سەبەپتەرمەن تۇرىك تەكتەستەردىڭ ساياسي بىرلەستىگىن قۇرۋ ماسەلەسى بەيداۋا، بايانسىز كۇي كەشتى. تۇرىك تەكتەستەر كەڭەس ۇكىمەتىنىڭ تەمىر شەڭگەلىنە ىلىككەن تۇستا دا ءبىر-ءبىرىنىڭ ءتىلىن، تاريحىن زەرتتەپ، مادەني ينتەگراتسيا جاساۋدى توقتاتقان ەمەس. اتاقتى الاش قايراتكەرلەرى قاتىسقان 1926 جىلعى باكۋدەگى تۇركولوگيا كونگرە