ۇستىمىزدەگى جىلى ماقتارال اۋدانىندا 23 مىڭ 358 گەكتار جەرگە باۋ-باقشا ونىمدەرى ەگىلىپ، شارۋالار 126 مىڭ توننا ءونىم جيناپتى. ونىڭ 91 مىڭ تونناسى ەكسپورتقا جونەلتىلسە، 35 مىڭ تونناسى ىشكى نارىقتا قالعان.

ال ديقاندار 1,5 مىڭ گەكتارعا قىرىققابات ەگىپ، ونىمدەر رەسەيگە جونەلتىلىپ جاتىر ەكەن. اۋدانداعى ەراليەۆ ەلدى مەكەنىندەگى باۋ شارۋاشىلىعىمەن اينالىساتىن «ابوتيا» سەرىكتەستىگى 12 گەكتار جەرگە ءجۇزىمنىڭ ءۇش ءتۇرىن، ال 8 گەكتارعا المانىڭ ەكى ءتۇرىن ەككەن. ەندى سول باۋدان 35-40 توننا ءونىم جيناپ الۋدى جوسپارلاپ وتىر.

تاعى ءبىر شارۋا قوجالىعى - «حايەت» بولسا 10 گەكتار قاربىز، 30 گەكتارى قاۋىن ەگىپتى. ول وسى 40 گەكتار القاپتان ماۋسىمىنا 1200 توننا قاۋىن-قاربىز جيناۋدان ءۇمىتتى.

ديحان ورازالى باحتياروۆ قاۋىندارىن بۋدانداستىرىپ، قوراپقا سىياتىنداي ەتىپ وسىرگەن.

- جيەنباي قاۋىنىنىڭ ارتىقشىلىعى - ءدامى ءتىل ۇيىرەدى، جولعا بەيىمدى، ۇزاق جولعا شىداي بەرەدى. ءبىر كارتون قوراپقا 5-6 قاۋىن سيىپ كەتەدى. مىرزاشولدىك ديقانداردىڭ وسىرگەن قاۋىن-قاربىزدارىنا شەتەلدىكتەردەن دە سۇرانىس ارتىپ كەلەدى. سونىڭ ناتيجەسىندە ءونىمنىڭ قۇنى دا ءوستى. ماسەلەن، بىلتىر باقشا ونىمدەرىنىڭ كەلىسىن 15-20 تەڭگەدەن وتكىزگەن كۇندەرىمىز دە بولدى. بيىل سورتتالعان قاۋىننىڭ كەلىسى 90-100 تەڭگەگە دەيىن باعالانۋدا.

Abai.kz