وڭتۇستىك قازاقستان وبلىسىندا جىل باسىنان بەرى 42 مەكتەپ پايدالانۋعا بەرىلدى. بۇل تۋرالى، وبلىس اكىمى ءماسليحات دەپۋتاتتارىنىڭ الدىندا بەرگەن ەسەبىندە ايتتى. اعىمداعى جىلى وڭتۇستىك وڭىردە 37 مەكتەپكە دەيىنگى ۇيىمدار اشىلىپ، بالالاردى قامتۋ كورسەتكىشى 80,5 پايىزدان 82,3 پايىزعا جەتكەن. جان سانى جىل سايىن جاقسى ءوسىم بەرىپ جاتقان وڭىردە وسىلايشا ءبىلىم بەرۋ مەكەمەلەرىنىڭ سانى ارتىپ كەلەدى.

بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

مۇنان بولەك، 42 مەكتەپ، 6 بالاباقشا پايدالانۋعا بەرىلىپ، سونىڭ ناتيجەسىندە 11 اپاتتى جاعدايداعى مەكتەپتىڭ جانە 9 بىردەي ءۇش اۋىسىمدى مەكتەپتەردىڭ قۇرىلىسى اياقتالدى. سونىمەن قاتار،  77 نىساندا كۇردەلى جوندەۋ جۇمىستارى جۇرگىزىلدى.

سونداي-اق وبلىس اكىمى بەيبىت اتامقۇلوۆ حالىق قالاۋلىلارىنا «جۇمىسپەن قامتۋ 2020 جول كارتاسى» باعدارلاماسى اياسىندا جارتىجىلدىقتا 33 383 ازامات الەۋمەتتىك قولداۋ شارالارىمەن قامتىلعانىن جەتكىزدى. ايتا كەتۋ كەرەك،  بۇل رەسپۋبليكالىق كورسەتكىشتىڭ 16 پايىزىن قۇرايدى. از قامتاماسىز ەتىلگەن ازاماتتار سانى 27 پايىزعا تومەندەپ، جۇمىسسىزدىق دەڭگەيى 5,2 پايىزدى، جاستار اراسىنداعى جۇمىسسىزدىق دەڭگەيى 3,6 پايىزدى قۇراعانىن ايتتى.

دەرەككوزى: وقو اكىمىنىڭ ءباسپاسوز قىزمەتى

اباي اقپارات