قورعالۋشىمەن تۇرمەدە كەزدەسكەن ادۆوكاتتىڭ ايتۋىنشا، جابىرلەنۋشى "وزىنە كورسەتىلگەن قىسىمعا بايلانىستى" ادۆوكات قىزمەتىنەن باس تارتىپ، جالعان مالىمدەمە جاساۋعا ءماجبۇر بولعان.

ادۆوكاتتىڭ الەۋمەتتىك جەلىدەگى پاراقشاسىندا سلەكيشينانىڭ قورعاۋشى وماروۆامەن كەزدەسۋدى تالاپ ەتكەن ءوتىنىشى جاريالاندى. وندا جابىرلەنۋشى تالاپ ورىندالماعان جاعدايدا اشتىق جاريالايتىنىن مالىمدەگەن.

سلەكيشينا وتكەن جىلى الماتى تەرگەۋ اباقتىسىندا جۇكتى بولىپ، بالا تۋدى. ول ءوزىن تۇرمەدە زورلانعانىن مالىمدەدى.

اباقتى قىزمەتكەرلەرىنىڭ سلەكيشينانى زورلاۋ ىسىنە قاتىستى سوت 11 تامىزدا جابىق وتە باستادى. ىستە ايىپتالۋشى رەتىندە ءبىر ادام - الماتىلىق تۇرمەنىڭ 37 جاستاعى قىزمەتكەرى رۋسلان حاكيموۆ قارالىپ جاتىر، ساراپتاما ونىڭ تۇرمەدە تۋعان قىزدىڭ اكەسى ەكەنىن دالەلدەدى. حاكيموۆكە قىز زورلادى، قىزمەت بابىن اسىرا پايدالاندى دەگەن ايىپ تاعىلدى. وسى ىستە كۇدىكتى رەتىندە تارتىلعان تۇرمەنىڭ ءۇش قىزمەتكەرى ەندى كۋاگەر مارتەبەسىنە اۋىستىرىلدى.

Abai.kz