قانداسىمىز قايرات ەراليەۆ ريو وليمپياداسىنداعى العاشقى كەزدەسۋىن ءساتتى اياقتادى.

56 كەلى سالماق دارەجەسىندە جۇدىرىقتاسقان قايراتتىڭ العاشقى قارسىلاسى ازىربايجاندىق دجاۆيد چالابيەۆ بولعان.

كەزدەسۋدىڭ اۋەلگى ەكى راۋندىندا ايقىن باسىمدىقتى يەمدەنگەن قانداسىمىز ءۇشىنشى راۋندتا قارسىلاسىنا ەسە جىبەردى. وسىلايشا كەزدەسۋ تورەشىلەردىڭ شەشىمىمەن  2:1 بولىپ اياقتالىپ، ءبىزدىڭ بوكسشىمىز كەلەسى كەزەڭگە ءوتتى.

قايراتتىڭ كەلەسى قارسىلاسى وزبەكستاندىق مۋرودجان احمەداليەۆ. كەزدەسۋ 15-تامىز كۇنى استانا ۋاقىتىمەن 03:15-تە كورسەتىلەتىن بولادى.

سونداي-اق، العاشقى كەزدەسۋىن ءساتتى اياقتاعان قايرات جۋرناليستەرگە سۇحبات بەرىپ، كەزدەسۋدىڭ قالاي وتكەنىن بايانداپ بەرگەن.

ەستەرىڭىزدە بولسا كۇنى كەشە عانا وليمپيادانىڭ كۇمىس جۇلدەگەرى اتانعان اۋىر اتلەت جازيرا جاپارقۇل ء«اي، ورىسشا ايتپايمىن!» - دەپ مەملەكەتتىك ءتىلدىڭ دە مارتەبەسىن كوتەرىپ تاستاعان ەدى.

جازيرانىڭ جولىن بۇگىن قايرات جالعاستىردى. باق-قا سۇحبات بەرگەن بوكسشىعا ءتىلى قوتىر ءتىلشى «ورىسشا ايتاسىز با؟» دەپ وتىنگەن. ال بوكسشىمىز بولسا قولىن ءبىر-اق سىلتەپ كەتكەن.

نۇرزات توعجان

Abai.kz