تۇركىستاندا «سەن قوعامعا كەرەكسىڭ» اكتسياسى ءوتتى. بۇل تۋرالى «Abai.kz» پورتالى تۇركىستان قالاسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

تۇركىستان قالالىق مادەنيەت ۇيىندە قالالىق پروكۋراتۋرانىڭ ۇيىمداستىرۋىمەن “سەن قوعامعا كەرەكسىڭ” اتتى تاقىرىپتا باسقوسۋ بولىپ ءوتتى.

اتالمىش جيىنعا وڭىردەگى ءتيىستى سالا باسشىلارى، جەكە كاسىپكەرلەر جانە پروباتسيا قىزمەتىندە ەسەپتە تۇرعان ازاماتتار  قاتىستى. ءماجىلىستى قالا پروكۋرورىنىڭ ورىنباسارى ش.ەرتاەۆ مىرزا اشىپ ءام جۇرگىزىپ وتىردى.

جينالىستا قالالىق ىشكى ىستەر باسقارماسى پروباتسيا قىزمەتىنىڭ باستىعى م.ۋسمانوۆ مىرزا حابارلاما جاسادى. بايانداماشىنىڭ مالىمدەۋىنشە، 2016 جىلدىڭ 7 ايىنىڭ قورىتىندىسى بويىنشا 78 تۇلعا پروباتسيا قىزمەتىنە ەسەبىنە قويىلعان. سونىمەن قاتار، قازىردىڭ وزىندە جالپى پروباتسيالىق باقىلاۋ بەلگىلەنگەن 167 ازامات ەسەپتە تۇر. وسى پروباتسيا قىزمەتىنىڭ ەسەبىندە تۇرعان سوتتالعان تۇلعالارعا قاتىستى الەۋمەتتىك، قۇقىقتىق جانە وزگە دە كومەك كورسەتۋ، ولاردى جۇمىسقا ورنالاستىرۋ باعىتىندا اتقارىلعان جۇمىستارىنا توقتالدى. سونىمەن قاتار، تۇركىستان قالاسى اكىمىنىڭ ورىنباسارى ت.مۇساەۆ پروباتسيا قىزمەتىنە ەسەبىنە قويىلعان ازاماتتاردى جۇمىسپەن قامتۋ باعىتىندا اتقارىلىپ جاتقان كەلەلى جۇمىستاردى اتاپ ءوتتى.

دەرەككوزى: تۇركىستان قالاسى اكىمىنىڭ ءباسپاسوز قىزمەتى

Abai.kz