سولتۇستىك كورەيالىق گيمناستشى حون دجون يۋن وڭتۇستىك كورەيالىق سپورتشىمەن سەلفي جاساعانى ءۇشىن ءوز ەلىندە ءولىم جازاسىنا كەسىلۋى مۇمكىن،-دەپ جازادى Daily Star پورتالى.

ريو-دە-جانەيرودا ءوتىپ جاتقان وليمپيادا ويىندارى كەزىندە وڭتۇستىك كورەيالىق سپورتشىمەن سۋرەتكە تۇسكەن حون دجون يۋننىڭ بۇل ارەكەتىن  سكر ماماندارى ءوز وتانىنا جاساعان ساتقىندىق رەتىندە باعالاپتى.

سكر سپورتشىسى حون دجون يۋن مەن وكر گيمناستشىسى لي ىن دجۋننىڭ بىرگە تۇسكەن سۋرەتى مەملەكەتتەر اراسىنداعى دوستىقتىڭ ناعىز سيمۆولىنا اينالعان ەدى. وكىنىشكە وراي سولتۇستىك كورەيا رەسپۋبليكاسى زاڭىنىڭ «ۇيىمداسقان تۇردە بيلىكتى قۇلاتۋ، مەملەكەتتى ساتۋ جانە تەرروريزم» بابى بويىنشا سپورتشىلارعا مۇنداي سۋرەتتەر تۇسىرۋگە تىيىم سالىنعان ەكەن.

باسىلىمنىڭ جازۋىنشا، سولتۇستىك كورەيا ليدەرى كىم چەن ىننىڭ بۇيرىعى بويىنشا، وڭتۇستىك كورەيالىقتارمەن سويلەسۋگە، سۋرەتكە تۇسۋگە، وڭتۇستىك كورەيالىق فيلمدەردى كورۋگە جانە قوعامدىق ورىنداردا ءىنجىل وقۋعا تىيىم سالىنعان. بۇنداي ارەكەتتەر سكر ليدەرى كىم چەن ىنعا كورسەتىلگەن قۇرمەتسىزدىك دەپ باعالانىپ، ءولىم جازاسىنا كەسىلەدى ەكەن.

Abai.kz