سوزاق اۋدانىندا كۇن ساۋلەسىن پايدالانۋ ارقىلى ەلەكتر ەنەرگياسىن وندىرەتىن ستانتسيا سالىنادى. بۇل تۋرالى «Abai.kz» پورتالى سوزاق اۋدانى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بۇل جوبانىڭ ىسكە اسىرىلۋىنا گەرمانيالىق «GreenEnergy 3000 Holding» نيەت ءبىلدىرىپ وتىر. تەرىسكەيگە كۇن قۋاتىمەن ەلەكتر ەنەرگياسىن وندىرەتىن ستانيتسيا سوعۋعا بايلانىستى گەرمانيالىق حولدينگ پەن اۋدان اكىمدىگىنىڭ اراسىندا كەلىسسوزدەر بىرنەشە جىلدان بەرى جۇرگىزىلىپ كەلەدى. ستانتسيا سوعۋ تۋرالى كەلىسىم اتالعان اتالعان حولدينگكتىڭ قازاقستانداعى وكىلى اقىلبەك ساماتۇلى مەن اۋدان اكىمى ماقسات يساەۆتىڭ ەكەۋارا كەزدەسۋ بارىسىنان كەيىن بەلگىلى بولدى. قازىرگى تاڭدا گەرمانيالىق حولدينگ، «GreenEnergy 3000 Holding» قاراستى سوزاق اۋدانى «يۋكسەس-50» جشس فيليالى جوباسىنىڭ قۇرىلىس جۇمىستارىن جۇرگىزۋگە ءازىر. قاجەتتى قۇجاتتاردى ازىرلەسە، ستانيانىڭ قۇرىلىس جۇمىستارى وسى جىلدىڭ قاراشا ايىندا باستالىپ، 200-گە تارتا جۇمىسشى تارتىلادى. كەلەر جىلى تولىق قۋاتىمەن جۇزەگە اساتىن جوبادا 50 ادام جۇمىسپەن قامتىلادى دەپ كۇتىلۋدە.

ايتا كەتۋىمىز كەرەك، 50 مۆت ەلەكتر ەنەرگياسىن وندىرەتىن جوبانىڭ تۇتىنۋشىسى «KEGOC» اق بولادى.

دەرەككوزى: سوزاق اۋدان اكىمىنىڭ ءباسپاسوز قىزمەتى

Abai.kz