پەرمامماد اليەۆ باتۋتتا سەكىرۋدەن حالىقارالىق دارەجەدەگى سپورت شەبەرى. جەرلەسىمىز 20 جاسقا دا تولماعان. پەرمامماد تامىزدىڭ 13-ءى كۇنى وليمپيادالىق جۇلدە ءۇشىن تالاسقا تۇسەدى. بۇل تۋرالى «Abai.kz» پورتالى وڭتۇستىك قازاقستان وبلىسى اكىمى ءباسپاسوز قىزمەتىنىڭ «فەيسبۋك» جەلىسىندەگى رەسمي پاراقشاسىنا سىلتەمە جاساي وتىرىپ حابارلايدى.

وقو گيمناستيكادان ورمبجم كوممۋنالدىق مەملەكەتتىك مەكەمەسىنىڭ 2003-2015 جىلدار ارالىعىندا سپورتتىق اكروباتيكا بولىمىندە جاتتىققان. قازىرگى ۋاقىتتا، وقو جوعارعى سپورت شەبەرلىگى مەكتەبىنە بەرىلگەن.
2009 جىلى رەسەي سانكت-پەتەربۋرگ قالاسىندا باتۋتتا جانە اكروباتيكالىق جولاقتا سەكىرۋدەن جاستار اراسىندا الەم چەمپيوناتىندا سينحروندى سەكىرۋدەن - 1 ورىن العان. 2011 جىلى ۇلىبريتانيا بيرمينگەم قالاسىندا باتۋتتا جانە اكروباتيكالىق جولاقتا سەكىرۋدەن جاستار اراسىندا الەم چەمپيوناتىندا سينحروندى سەكىرۋدەن - 1 ورىن العان.
2012 جىلى تايلاندتا باتۋتتا جانە اكروباتيكالىق جولاقتا سەكىرۋدەن جاستار اراسىندا ازيا چەمپيوناتىندا 2 ورىنعا يە بولعان.
2013 جىلى گوللانديا مەن شۆەتسيادا وتكەن باتۋتتا جانە اكروباتيكالىق جولاقتا سەكىرۋدەن حالىقارالىق تۋرنير جەڭىمپازى اتانعان.
2013 جىلى بولگاريا سوفيا قالاسىندا وتكەن باتۋتتا جانە اكروباتيكالىق جولاقتا سەكىرۋدەن الەم چەمپيوناتىندا 2 ورىن العان.
2014 جىلى اقش دايتونا-بيچ قالاسىندا وتكەن الەم چەمپيوناتىندا سينحروندى سەكىرۋدەن 5 ورىن العان. 
2015 جىلى نيدەرلاندى السمەەر قالاسىندا وتكەن باتۋتتا جانە اكروباتيكالىق جولاقتا سەكىرۋدەن «FLOWER CUP» حالىقارالىق ءتۋرنيرىنىڭ جەڭىمپازى اتانعان. 2015 جىلى رەسەي سانكت-پەتەربۋرگ قالاسىندا باتۋتتا جانە اكروباتيكالىق جولاقتا سەكىرۋدەن الەم كۋبوگىندا - 12 ورىنعا يە بولعان. 2015 جىلى يسپانيا ۆيليادوليد قالاسىندا باتۋتتا جانە اكروباتيكالىق جولاقتا سەكىرۋدەن الەم كۋبوگىندا - 4 ورىنعا يە بولعان.

Abai.kz