ەلباسىنىڭ كاسىپكەرلەرگە ءارتۇرلى سالالاردا قىزمەت كورسەتەتىن ورتالىق اشۋ تاپسىرماسىنا وراي، 2012 جىلى وڭىرىمىزدە «كاسىپكەرلەرگە قىزمەت كورسەتۋ ورتالىعى» اشىلىپ، بۇگىندە بۇل ورتالىق ء«بىر تەرەزە» قاعيداسى بويىنشا كاسىپكەرلەرگە جان-جاقتى قىزمەت كورسەتىپ، ناتيجەلى جۇمىس اتقارىپ كەلەدى. بۇل تۋرالى «Abai.kz» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى. 

قىزمەتتىڭ ءتورت ءتۇرى بويىنشا كومەك كورسەتەتىن بۇل ورتالىق  جىل باسىنان بەرى 21 117 ازاماتقا كەڭەس بەرگەن.

بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە 6 ايدى قورىتىندىلاعان  كاسىپكەرلەرگە قىزمەتى كورسەتۋ ورتالىعىنىڭ ديرەكتورى ولجاس توعاەۆ ءمالىم ەتتى.

سونىمەن قاتار، كاسىپكەرلىك مەكتەبىندە تولىق وقۋ كۋرسىن 4 376 ادام بىتىرسە، رۇقساتتاما قۇجاتتارىن راسىمدەۋ بويىنشا 2 460 ادام قىزمەت العان. ال ماركەتينگتىك جانە بيزنەس جوسپارلاۋ بولىمىمەن 892 جوبا جاسالىپ، ونىڭ 574-ءى قولداۋ تاۋىپ،  جالپى سوماسى 1,6 ملرد.تەڭگەگە قارجىلاندىرىلعان.

 «ورتالىق مەملەكەتتىك قولداۋ جانە رۇقسات قۇجاتتارىن الۋ راسىمدەرىن جەڭىلدەتۋ مەن جەتىلدىرۋ بويىنشا ءاردايىم ۇسىنىمدار جاساپ كەلەدى. وسىلايشا، كاسىپكەرلىك سالاسىندا ءتۇرلى وزەكتى ماسەلەلەر ءوز شەشىمىن جۇيەلى تۇردە تاۋىپ وتىر. ماسەلەن، اكىمشىلىك كەدەرگىلەردى جويۋ ارقىلى قۇجاتتاردى الۋ مەرزىمى 50% قىسقارتىلدى. ونىڭ ىشىندە گاز، سۋدى قوسۋ ءۇشىن رۇحسات قۇجاتتاردى الۋ بۇرىن 30 كۇن بولسا، بۇگىندە 5 كۇنگە، ال ەلەكتر قۋاتىنا قوسىلۋ 60 كۇننەن 7 كۇنگە قىسقارتىلعان. تاعى ءبىر ايتا كەتەتىن جەتىستىگىمىز ول جەر كوميسسياسىنىڭ قورىتىندىسىن الۋ 90 كۇننەن 5 كۇنگە قىسقارتىلىپ وتىر»،-دەدى ورتالىق ديرەكتورى. 

Abai.kz