وڭتۇستىك قازاقستاندا «بولاشاق» حالىقارالىق ستيپەندياسى قۇرىلعان 23 جىلدا 1 مىڭعا جۋىق ىزدەنۋشى جوعارى وقۋ ورىندارىنداعى ءبىلىمىن شەتەلدەردە جالعاستىرعان. بۇل تۋرالى  "وقو اكىمىنىڭ ءباسپاسوز قىزمەتى" حابارلايدى. 

وتكەن جىلدىڭ وزىندە وڭىرىمىزدەن 6 جاس شەتەلدە ءبىلىم الۋ گرانتىنا يە بولسا، جالپى، اتالعان باعدارلامامەن ءبىلىم الىپ جاتقان جاستار سانى 68-ءدى قۇرايدى. 

شەكارا اسىپ، ءبىلىم قۋعان جاستارىمىزدىڭ ءبىرازى ايماعىمىزدىڭ وركەندەۋى ءۇشىن قىزمەت ەتۋدە. "بولاشاقتىق" 183 ازامات بۇگىنگى تاڭدا وبلىستاعى ءتۇرلى مەكەمەلەردە جۇمىس ىستەپ جاتسا، سونىڭ 12-ءسى مەملەكەتتىك قىزمەتتەردە باسشىلىق لاۋازىمىندا. 

ەسكە سالامىز، «بولاشاق» باعدارلاماسى بويىنشا قۇجات قابىلداۋ بيىل دا جالعاسادى. ءۇشش كەزەڭ بويىنشا (11 ءساۋىر-13 مامىر، 13 ماۋسىم-29 شىلدە، 15 تامىز - 15 قىركۇيەك) جۇرگىزىلەتىن قابىلداۋعا ءوز بەتىمەن، مەملەكەتتىك قىزمەتكەر رەتىندە، عىلىمي-پەداگوگ قىزمەتكەر رەتىندە، مادەنيەت جانە شىعارماشىلىق قىزمەتكەرلەرى، باق قىزمەتكەرلەرى نەمەسە ينجەنەرلىك-تەحنيكالىق قىزمەتكەرلەر ساناتىندا قاتىسۋعا بولادى. 

ال قۇجاتتاردى 3 جولمەن - «حالىقارالىق باعدارلامالار ورتالىعى» اق، «E-gov» ەلەكتروندى ۇكىمەتى جانە حالىققا قىزمەت كورسەتۋ ورتالىقتارى ارقىلى تاپسىرۋعا بولادى. قۇجاتتاردى تاپسىرۋ تالاپتارىن «حالىقارالىق باعدارلامالار ورتالىعى» اق-نىڭwww.bolashak.gov.kz رەسمي سايتىنان الۋعا بولادى. 

ايتا كەتۋ كەرەك، وبلىسىمىزداعى 12 جوعارى وقۋ ورنىندا 67 مىڭ، 90 كاسىپتىك-تەحنيكالىق كوللەدجدەردە 70 مىڭنان اسا، 1022 جالپى مەكتەپتە 590 مىڭعا جۋىق وقۋشى ءبىلىم الادى.

Abai.kz