ورداباسى اۋدانى اكىمىنىڭ ورىنباسارى وماربەكوۆ باۋىرجان قاجىمۇقان جانە شۇبار اۋىل وكرۋگتەرىندەگى بىرقاتار كاسىپكەرلىك نىساندارىن ارالاپ، جاعدايىنا قانىقتى. بۇل تۋرالى «Abai.kz» پورتالى «ورداباسى اۋدانى اكىمىنىڭ ءباسپاسوز قىزمەتىنە» سىلتەمە جاساي وتىرىپ حابارلايدى.

شۇبار يندۋستريالدى ايماعىنداعى كاسىپكەرلىك نىساندارىنىڭ بۇگىنگى احۋالىن، سونىمەن قاتار الدا اتقارىلاتىن جۇمىس جوسپارىمەن تانىستى. سالىق كودەكسىندەگى وزگەرىستەرگە سايكەس، جەر قويناۋىن جەر استى سۋلارىنىڭ كولەمدەرى، پايدالانۋ پايىزى (قۇنى) وسۋىنە بايلانىستى ارىس وزەنىنىڭ بويىندا ورنالاسقان مونشا سوڭعى 6 ايدا جۇمىسىن توقتاتتى. اكىم ورىنباسارى مونشا يەلەرىمەن كەزدەسىپ، ۇسىنىستارىن تىڭدادى.

جۇمىس ساپارى بارىسىندا باۋىرجان باقىتۇلى ەگىستىك جەرلەردىڭ، سۋ ارنالارىنىڭ، مال توعىتۋ ورىندارىنىڭ بۇگىنگى حال-جاعدايىن كوردى.

ال «جۇمىسپەن قامتۋ 2020 جول كارتاسى» باعدارلاماسىنىڭ 3 باعىتى بويىنشا بيىل ورداباسى اۋدانىنىڭ ۆەتەرينارلىق قىزمەتىنە 30 ازامات تۇراقتى جۇمىسقا جولدانعان.
باعدارلاما اياسىندا 2012 -2013 جىلدارى كاسىبي دايارلاۋعا شىمكەنت اگرارلىق كوللەدجىنە جولدانعان ازاماتتار بۇگىندە ديپلومىن الىپ، ەلگە ورالدى. 15 ازامات سانيتار – ۆەتەرينار، فەلدشەر – ۆەتەرينار ماماندىقتارى بويىنشا تۇراقتى جۇمىسقا ورنالاستى. 
جالپى اۋدان بويىنشا جىل باسىنان «جۇمىسپەن قامتۋ 2020» مەملەكەتتىك باعدارلاماسىنا قاتىسۋعا 1076 ادام ءوتىنىش ءبىلدىرىپ، بارلىعى باعدارلاما قۇرامىنا تارتىلدى. 
جاڭا جانە بوس جۇمىس ورىندارىنا 544 ادام جولداندى. مەملەكەتتىك جانە سالالىق باعدارلامالار بويىنشا 220 جۇمىس ورنى اشىلدى، بوساعان 324 جۇمىس ورنىنا ازاماتتار جولدانىپ، بارلىعى تۇراقتى جۇمىسقا ورنالاستى.

اbai.kz