وڭتۇستىك قازاقستان وبلىسىندا جاڭا وقۋ جىلىندا وقۋلىق جەتكىلىكتى بولماق. ول ءۇشىن جەرگىلىكتى بيۋدجەتتەن 2 ملرد. 717 ملن. تەڭگەدەن استام قارجى قارالىپ وتىر،-دەپ حابارلايدى وقو اكىمىنىڭ ءباسپاسوز قىزمەتى.

بيىلعى وقۋ جىلىندا 8 سىنىپتارعا ارنالعان (8 سىنىپتىڭ بارلىق وقۋلىعى) وقۋلىقتار مەن وقۋ-ادىستەمەلىك كەشەندەرىنە، 4 سىنىپتىڭ اعىلشىن ءتىلى مەن 9 سىنىپتىڭ ءدىنتانۋ وقۋلىقتارىنا جانە 1 سىنىپتاردىڭ (1 سىنىپتىڭ بارلىق وقۋلىعى) جاڭارتىلعان ءبىلىم بەرۋ مازمۇنىنداعى وقۋلىقتارى مەن وقۋ-ادىستەمەلىك كەشەندەرىنە سۇرانىس بەرىلەدى. 

قازىرگى تاڭدا، اۋداندىق، قالالىق ءبىلىم بولىمدەرى باسپالارمەن كەلىسىم-شارتقا وتىرۋ جۇمىستارىن تولىعىمەن اياقتادى. ماسەلەن، وبلىس بويىنشا «اتامۇرا»، «مەكتەپ»، «ارمان-پۆ»، «الماتىكىتاپ»، ء«بىلىم»، «جازۋشى»، «كەلەشەك-2030»، «ينتەر-پرەسس»، «كەمبريدج»، «ساتر»، «بوبەك»، «گەوگرافيالىق رەسپۋبليكالىق اتاۋلى مەكتەپ»، «Express Publishing»، «8 & 8»، «Macmillan»، «استانا-كىتاپ»، «پوليگرافيا-وليمپ» سىندى 17 باسپامەن كەلىسىم-شارت جاسالدى.

بۇگىنگى كۇنگە دەيىن باسپالارعا 30 پايىزدىق ۇستەم اقى اۋدارعان اۋدانداردىڭ قاتارىندا بايدىبەك، ماقتارال، ورداباسى، وتىرار، سايرام، سارىاعاش، سوزاق، تولەبي، تۇلكىباس، شاردارا، كەنتاۋ، تۇركىستان جانە شىمكەنت قالالارى بار.

ءار قالالىق، اۋداندىق ءبىلىم بولىمدەرى تاسىمالداۋشىنى اشىق كونكۋرس نەمەسە باعا ۇسىنىسىن سۇراتۋ ارقىلى انىقتايدى. جەڭىمپاز دەپ تانىلعان تاسىمالداۋشىمەن كەلىسىم شارتقا وتىرادى. 

بۇگىنگى كۇنگە وبلىستىق ءبىلىم باسقارماسى، بايدىبەك، قازىعۇرت، ورداباسى، وتىرار، سايرام، سارىاعاش، تولەبي، تۇلكىباس، شاردارا اۋداندارى مەن ارىس، كەنتاۋ، تۇركىستان، شىمكەنت قالالارىندا جەڭىمپاز انىقتالىپ، كەلىسىم-شارتقا وتىرىپ، جۇمىستار جۇرگىزۋدە.

Abai.kz