اۋىل شارۋاشىلىعى بيداي وسىرۋگە ماماندانعان تولە بي اۋدانىندا ەگىن ورۋ ناۋقانى قىزۋ جۇرۋدە. ناۋقانعا بىلەك سىبانا كىرىسكەن اۋدان ديقاندارى جايدارى جازدىڭ ءار ءساتىن قالت جىبەرمەي، استىق ورۋ قارقىنىن ۇدەتە تۇسكەن. شارۋالار التىن استىقتى ىسىراپ قىلماي، جينالعان ءداندى قامباعا قۇيۋ ۇستىندە.

جالپى اۋداندا 19 859 گەكتار جەرگە استىق ەگىلسە، ونىڭ 12747-ءسى بيداي، ال 7112 گەكتارى ارپا. بۇگىندە شارۋالار 8 مىڭ گەكتارعا جۋىق بيدايدى ورسا، ارپانى تولىعىمەن جيناپ الىپ وتىر. گەكتارىنا 24-26 تسەنتنەر ءونىم الۋدى جوسپارلاپ وتىرعان ديقاندار ءونىمنىڭ ءتۇسىمى بىلتىرعى جىلمەن سالىتىرعاندا 23,5 پايىزعا ارتقانىن ايتادى.

التىن وراق كەزىندە 75 كومباين، تاسمالداۋشى 153 جۇك اۆتوكولىكتەر جۇمىلدىرىلعان. ناۋقانعا تارتىلعان بارلىق تەحنيكا قاجەتتى جانار-جاعارمايمەن تولىقتاي قامتاماسىز ەتىلگەن.

ەندىگى مىندەت – ەگىن وراعى ناۋقانىن لايىقتى اتقارۋ. بۇل ءۇشىن اۋداندا بارلىق قاجەتتى تەحنيكا كۇشى جۇمىلدىرىلعان.

ال ارىس قالاسىنداعى ۇن ديىرمەنىندە شىعارىلاتىن ءونىم كولەمى ۇلعايدى. ەندى مۇندا تاۋلىگىنە 120 توننا بيداي وڭدەلەدى. وڭتۇستىكتە شىعارىلاتىن تاۋار جىلدىڭ سوڭىنا دەيىن شەتەلگە جىبەرىلەدى دەگەن جوسپار بار.

ديىرمەندەگى قوندىرعىلاردىڭ كومەگىمەن ون بەس مينۋتتىڭ ىشىندە ۇن دايىندالادى. اۆتوماتتاندىرىلعان اپپارات جۇمىستىڭ +0 پايىزىن ءوزى اتقارادى. قازىر مۇندا 10 ادام جۇمىس ىستەيدى. ديىرمەندە تاۋلىگىنە 90 توننا ۇن، 120 توننا بيداي وڭدەلىپ شىعادى،-دەپ جازادى otyrar.kz.

بۇل جوبانىڭ جالپى قۇنى 163 ملن تەڭگەنى قۇرايدى. العاش كاسىپورىن جۇمىسىن ءوز كۇشىمەن باستاعان. ديىرمەننىڭ كولەمىن ۇلعايتۋ ماقساتىندا سەرىكتەستىك باسشىسى «دامۋ-ءوندىرىس-2» باعدارلاما اياسىندا نەسيە العان. بىراق، ۇن وڭدەۋدە بۇل قاراجات جەتپەپتى. تاعى دا كومەك الۋعا ءازىر. بىراق، جولىنا كەدەرگى بولاتىن تۇستار كوپ. دەگەنمەن، ديىرمەننىڭ قۋاتتىلىعى ءوز قارقىنىندا. ەندى مۇندا شىعارىلاتىن بيداي مەن ۇن شەت ەلگە جىبەرىلمەك.

اباي اقپارات