قانشا ادام ۇستالعانىن مەكەمە اشىق ايتپادى، بىراق قازىرگى ۋاقىتتا شابۋىلداۋشىلارعا كومەكتەسۋگە تىرىسىپ جاتقان قالعان جاقتاستارىنا باقىلاۋ جۇرگىزگەنىن جەتكىزدى.

17 شىلدەدە "قۇرىلتاي پارلامەنتى" وپپوزيتسيالىق پارتيانىڭ ۇيلەستىرۋشىسى جيراير سەفيلياننىڭ جاقتاستارى ەرەۆانداعى پوليتسيا عيماراتىن باسىپ الىپ، بىرنەشە ادامدى كەپىلدىككە ۇستادى. شابۋىل كەزىندە ءبىر پوليتسيا قىزمەتكەرى قازا تاۋىپ، تورتەۋى جارالاندى.

شابۋىلداۋشىلار سەفيلياندى بوساتۋدى تالاپ ەتەدى. ول مەملەكەتتىك توڭكەرىس جاساماق بولدى دەگەن ايىپپەن قاماۋدا وتىر. ارمەنيا بيلىگى بەلسەندىلەردىڭ تالابىن ورىنداۋدان باس تارتتى. عيماراتتى باسىپ العاننان كەيىن، ارنايى جاساق شابۋىلداۋعا دايىن تۇر.

وسىنىڭ الدىندا ءىىم عيماراتىندا كەپىلگە الىنعانداردىڭ ءبارى كەلىسسوزدەردەن كەيىن بوساتىلعان.