اتا زاڭنىڭ قابىلدانعانىنا 15 جىل تولۋىنا وراي قازاقستان ستۋدەنتتەر اليانسى ديامەترى 15 مەترلىك ۇلكەن پيتستسا دايىنداپتى.  ونى دايىنداۋعا 5 قاپ ۇن، 15 كەلى ىرىمشىك، 10 كەلىدەن اسا شۇجىق جۇمسالىپتى. ءسويتىپ، جينالعان جەتكىنشەكتەر مەن جاستار جالاپ، جۇقتاپ، تالاسا-تارماسا الگى پيتستسانى جەپتى. بۇل پيتستسانى قازاقستان كونستيتۋتتسياسىنىڭ قابىلدانعانىنا 15 جىل تولۋىنا وراي دايىنداپ، كوپشىلىككە ۇسىنىپ وتىر. قورلاناتىن جەرى وسى. سوندا اتا زاڭ جاستار ءۇشىن ءتۇرلى ازىق-تۇلىك پەن جەمىستىڭ قوسپاسىنان جاسالاتىن پيتستسا عانا. ءتىپتى، قازاقستان ستۋدەنتتەر اليانسىنىڭ جەتەكشىسى تاقان عيززاتوۆ بۇل پيتستسانى حالىقارالىق تاعام بولعاندىقتان تاڭداپ العاندارىن ويتكەنى، (ونىڭ تۇسىنىگىنشە) قازاقستان كوپۇلتتى مەملەكەت ياعني قازاقستان دەگەنىمىز ۇلكەن ءبىر پيتستساعا ۇقسايدى ءتىپتى اۋمايدى دەپتى. ال، كەرەك بولسا...

ول از دەسەڭىز، كۇمىس اياقوۆا دەگەن قازاق قىزى بۇل پيتستسانى «قازاقستان» دەپ اتاۋ كەرەك. سەبەبى، وندا ەت وتە كوپ دەپتى.

مىنە، ازاتتىعىمىزدىڭ التىن دىڭگەگى اتا زاڭنىڭ قابىلدانعان كۇنى، شىن مانىندەگى ساليقالى، سالماقتى كۇن تاۋەلسىزدىكتى نەگىزدەپ جانە ونى زاڭدى ەتىپ وتىرعان، ماڭدايىمىزعا باسقان اتالى كۇن استانالىق جاستار ءۇشىن ۇلكەن ءبىر پيتستسا جەۋ ەكەن. كۇلەمىز بە، جىلايمىز با؟ قۇداي-اۋ، ەندى قايتتىك.

اتا زاڭنىڭ قابىلدانعانىنا 15 جىل تولۋىنا وراي قازاقستان ستۋدەنتتەر اليانسى ديامەترى 15 مەترلىك ۇلكەن پيتستسا دايىنداپتى.  ونى دايىنداۋعا 5 قاپ ۇن، 15 كەلى ىرىمشىك، 10 كەلىدەن اسا شۇجىق جۇمسالىپتى. ءسويتىپ، جينالعان جەتكىنشەكتەر مەن جاستار جالاپ، جۇقتاپ، تالاسا-تارماسا الگى پيتستسانى جەپتى. بۇل پيتستسانى قازاقستان كونستيتۋتتسياسىنىڭ قابىلدانعانىنا 15 جىل تولۋىنا وراي دايىنداپ، كوپشىلىككە ۇسىنىپ وتىر. قورلاناتىن جەرى وسى. سوندا اتا زاڭ جاستار ءۇشىن ءتۇرلى ازىق-تۇلىك پەن جەمىستىڭ قوسپاسىنان جاسالاتىن پيتستسا عانا. ءتىپتى، قازاقستان ستۋدەنتتەر اليانسىنىڭ جەتەكشىسى تاقان عيززاتوۆ بۇل پيتستسانى حالىقارالىق تاعام بولعاندىقتان تاڭداپ العاندارىن ويتكەنى، (ونىڭ تۇسىنىگىنشە) قازاقستان كوپۇلتتى مەملەكەت ياعني قازاقستان دەگەنىمىز ۇلكەن ءبىر پيتستساعا ۇقسايدى ءتىپتى اۋمايدى دەپتى. ال، كەرەك بولسا...

ول از دەسەڭىز، كۇمىس اياقوۆا دەگەن قازاق قىزى بۇل پيتستسانى «قازاقستان» دەپ اتاۋ كەرەك. سەبەبى، وندا ەت وتە كوپ دەپتى.

مىنە، ازاتتىعىمىزدىڭ التىن دىڭگەگى اتا زاڭنىڭ قابىلدانعان كۇنى، شىن مانىندەگى ساليقالى، سالماقتى كۇن تاۋەلسىزدىكتى نەگىزدەپ جانە ونى زاڭدى ەتىپ وتىرعان، ماڭدايىمىزعا باسقان اتالى كۇن استانالىق جاستار ءۇشىن ۇلكەن ءبىر پيتستسا جەۋ ەكەن. كۇلەمىز بە، جىلايمىز با؟ قۇداي-اۋ، ەندى قايتتىك.

وسى ءبىر ايانىشتى ءارى ءزارلى كۇلكى شاقىراتىن اكتسيا - ۇلتتىق يدەولوگيا جانە مەملەكەتتە جۇيەلى جاستار ساياساتىنىڭ ات بار دا زاتى جوق دۇنيە ەكەنىن كورسەتتى. جانە قازاقستان تاۋەلسىزدىگىنىڭ 20 جىلدىعى ىشىندە قانداي جاستار تاربيەلەپ شىعارعانىمىزدىڭ دالەلى. ءتىپتى، جاستاردىڭ سوزىنەن، ارەكەتىنەن بۇگىنگى قازاق بيلىگىنىڭ سىڭىرگەن كەيبىر ادەتتەرىن بايقاۋعا بولادى. بۇعان تاقان عيززاتوۆتىڭ «پيتستسا حالىقارالىق تاعام بولعان سوڭ تاڭدادىق. جانە قازاقستان كوپۇلتتى مەملەكەت، ال، بۇل تاعامدا ءتۇرلى قوسپالاردان جاسالادى»، دەگەن ءسوزى تولىق دالەل بولا الادى.

جانە مۇنداي شارانى اتا زاڭنىڭ قابىلدانعان كۇنىنە ورايلاستىرىپ جاساپ وتىرعان جاستاردىڭ بويىندا، ويىندا وتانعا، مەملەكەتكە جانە ونىڭ باستى قۇجاتى اتا زاڭعا دەگەن قۇرمەتتى بايقاۋ وتە قيىن. باسقاسىن بىلاي قويعاندا،  ءجونى ءتۇزۋ تاعام تاڭداۋعا تالعامى جەتپەگەن جاستاردان نە ءۇمىت، نە قايىر... مىنە، جيىرما جىلدا وسىرگەن تاۋەلسىز ۇرپاق...

جەتكەن جەرىمىز وسى... «كىم جازىقتى»...

اباي-اقپارات