وڭتۇستىك قازاقستان وبلىسىنىڭ سايرام اۋدانىندا شاعىن كاسىپكەرلىك سالاسى ايتارلىقتاي دامىعان، دەپ حابارلايدى قازاقپارات وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

2016 جىلدىڭ 8 ايىندا اۋداندا جۇمىس ىستەپ تۇرعان كاسىپكەرلىك سۋبەكتىلەرىنىڭ سانى 13483 بىرلىككە جەتكەن. ونىڭ ىشىندە 521 زاڭدى تۇلعا، 6406 شارۋا قوجالىقتارى، 6566 جەكە كاسىپكەر تىركەلگەن. بۇل قوجالىقتار مەن كاسىپورىنداردا 23702 ادام جۇمىسپەن قامتىلعان.

شاعىن جانە ورتا كاسىپكەرلىك سۋبەكتىلەرى 1995 جىلى 473,0 ملن.تەڭگەنىڭ ءونىمى وندىرسە، 2015 جىلى وندىرگەن ءونىم كولەمى 40652,0 ملن. تەڭگەنى قۇراپ، 8,6 ەسەگە وسكەن. 2016 جىلدىڭ 8 ايىندا 37945,0 ملن.تەڭنىڭ ءونىمى ءوندىرىلىپ، 2015 جىلدىڭ سايكەس مەرزىمىمەن سالىستىرعاندا ءوسىمى 13,1% قۇرادى.

بۇل سالادا 1995 جىلى كاسىپكەرلىك سۋبەكتىلەرىنىڭ سانى 3403 بىرلىك بولسا، 2015 جىلى ولار 14039 جەتتى، نەمەسە 4,1 ەسەگە ارتقان. وندا جۇمىسپەن قامتىلعاندار سانى 1995 جىلى 9,9 مىڭ ادام بولسا، 2015 جىلى 22,4 مىڭ ادام جۇمىسپەن قامتىلعان، نەمەسە 2,3 ەسەگە ارتقان.

سونىمەن قاتار ايتا كەتەتىن تاعى ءبىر جايت - نەگىزگى كاپيتالعا سالىناتىن ينۆەستيتسيا اۋداننىڭ ەكونوميكاسىنىڭ ورلەۋىنىڭ نەگىزگى فاكتورى بولىپ تابىلادى. تالداۋ جاساۋ ناتيجەسىندە اۋداندا 2008 جىلى 6527,5 ملن.تەڭگە ينۆەستيتسيا تارتىلسا، 2015 جىلى نەگىزگى كاپيتالعا باعىتتالعان ينۆەستيتسيالار كولەمى 19088,7 ملن.تەڭگەنى قۇرادى. ياعني ءوسىم 2008-2015 جىلدار ارالىعىندا 3,0 ەسەگە ارتقان.

2016 جىلدىڭ 8 ايىندا ينۆەستيتسيا كولەمى 6784,7 ملن.تەڭگەنى، 2015 جىلدىڭ سايكەس مەرزىمىمەن سالىستىرعاندا 46,7% قۇراعان. وسىلايشا، سايرام اۋدانىندا ەل تاۋەلسىزدىگى جىلدارى كاسىپكەرلىك سالاسى ايتارلىقتاي دامىپ، حالىقتىڭ دا تۇرمىس-تىرشىلىگى جاقسارعان. الداعى ۋاقىتتا دا بۇل سالاعا ايرىقشا كوڭىل بولىنە بەرمەك.

Abai.kz