جۋىردا وبلىس ورتالىعى شىمكەنت قالاسىنىڭ بوزارىق شاعىناۋدانىندا جاڭا مال سويۋ بەكەتى اشىلماق. اۋماعى ءبىر گەكتار جەردى الىپ جاتقان بەكەتتە كۇنىنە 200-دەن استام ۇساق مال سويۋعا مۇمكىندىك بار.

اتالمىش بەكەت جەكە كاسىپكەرلەر ەسەبىنەن تۇرعىزىلىپ جاتىر. جۋىردا قالانىڭ ءدال ورتاسىنداعى دۋلاتي كوشەسىندەگى جەكە ۇيلەردە مال سويۋعا تىيىم سالىنىپ، قالا اكىمى عابيدوللا ءابدىراحىموۆ كاسىپكەرلەردى قولداۋ ماقساتىندا بۇل كاسىپتەرىن جالعاستىرۋ ءۇشىن قالا اۋماعىنان جەر تەلىمىن بولگەن-ءدى.

ناتيجەسىندە قالانىڭ ورتالىعىندا ورنالاسقان ۇيلەردە مال ساۋداسى مەن ونى باۋىزداۋ كاسىبىن توقتاتۋ تۋرالى شەشىم قابىلداندى. الداعى ۋاقىتتا قالالىقتار زامان تالابىنا ساي ۇلگىدە سالىنعان بەكەتتەن مال الىپ، سول جەردە سويدىرىپ الا الادى.

ايتا كەتەيىك، جاقىندا تۇركىستان قالاسىندا جاڭا مال بازارى قولدانىسقا بەرىلگەن بولاتىن. تۇركىستان قالاسىندا تاعى دا ايتۋلى شارا. تاۋەلسىزدىكتىڭ 25-جىلدىعى قارساڭىندا  قالا تۇرعىندارىنىڭ قۋانىشىندا شەك جوق. كوپتەن بەرى شەشىمىن تابا الماي كەلە  جاتقان تۇيتكىلدى ماسەلە بۇگىن وڭ ناتيجەگە قول جەتكىزۋدە. ول «نۇر-اسەم» مال بازارىنىڭ اشىلۋى. اشىلۋعا ارنايى بارىپ لەنتاسىن قيعان قالا اكىمى بازار ۇجىمىنا تابىس تىلەدى. 

 بازار باسشىلىعى-جەكە كاسىپكەر ءابسامات ماتكارىمۇلى ستاندارتقا ساي سوڭعى ۇلگىدەگى، اشىلعان بۇل ورىندا ەكى ءجۇز ادامدى جۇمىسپەن قامتيتىنىن تىلگە تيەك ەتتى.

تۇركىستان قالاسى جانە اۋىلدىق وكرۋگتەردىڭ نەگىزگى كۇنكورىس سالاسى مال مەن ەگىن شارۋاشىلىعى ەكەنى  بەلگىلى.جىل وتكەن سايىن مال باسىنىڭ ارتۋى كوڭىل قۋانتادى.سونىڭ ىشىندە ىقم باسى 81994 باس  106,5%-عا، قوي-ەشكى 437577 باس 104,5%-عا، جىلقى 9983باس 108,5%-عا، تۇيە 2742 باس 105,4%-عا ارتتى، شوشقا 1089 باس، 82,4% قۇراعان.

مەملەكەتتىك باعدارلامالار اياسىندا مال باسىن اسىلداندىرۋ سالاسى دا ىلگەرى دامىپ كەلەدى.  بۇگىنگى تاڭدا ەل ەكونوميكاسىنىڭ قوزعاۋشى كۇشىنە اينالعان شاعىن جانە ورتا كاسىپكەرلىككە مەملەكەت تاراپىنان ەرەكشە قولداۋ كورسەتىلىپ جاتقانى بەلگىلى. سونىڭ ىشىندە جەكە كاسىپكەرلىكتى قولداۋ.

Abai.kz