ايەلدەر ەرلەردەن قاراعاندا كۇنىنە 50 مينۋت، ال جىلىنا 39 كۇن ارتىق جۇمىس ىستەيدى. بۇل تۋرالى بۇكىلالەمدىك ەكونوميكالىق فورۋم بارىسىندا وقىلعان باياندامادا ايتىلدى.

اتالعان كورسەتكىشكە ايەلدەر قاۋىمى ۇيدە اتقاراتىن جۇمىستار ارقىلى قول جەتكىزىپ وتىر. ال اقى تولەنەتىن جۇمىستى عانا ەسەپكە الاتىن بولساق، ورتا ەسەپپەن العاندا ەرلەر ايەلدەردەن قاراعاندا 39%-عا ارتىق جۇمىس ىستەيدى ەكەن.

ال كەيبىر ەلدەردە ۇيدە اتقارىلاتىن جۇمىستاردى ەسەپكە العان كەزدە ەرلەر باسىمدىققا يە بولىپ وتىر. ماسەلەن، نيدەرلاندى مەن جاپونيادا ورتا ەسەپپەن ەرلەر ايەلدەردەن قاراعاندا جارتى ساعاتقا ارتىق جۇمىس ىستەيتىن بولىپ شىقتى.

باياندامادا ايتىلعانداي، ايەلدەر مەن ەرلەر اراسىنداعى ەكونوميكالىق مۇمكىنشىلىكتەردىڭ الشاقتىعى سوڭعى جىلدارى 56%-عا قىسقارعان. بۇل ورايدا ايتۋلى جەتىستىككە سكانديناۆيالىق ەلدەر جەتكەن. ودان بولەك، كوشباسشىلار قاتارىنان افريكا ەلدەرى، ونىڭ ىشىندە رۋاندا مەن بۋرۋندي تابىلعان.

جالپى تىزىمدە رەسەي 73-ورىنعا تۇراقتادى.

بايانداما اۆتورىنىڭ ايتۋىنشا، تەڭقۇقىقتىلىققا كوبىنەسە باتىس ەۋروپا ەلدەرى جاقىن بولىپ شىقتى. بۇل جولدا ولار 25% كولەمىندەگى قاشىقتىقتى يگەرسە بولدى. ال تەڭقۇقىقتىلىقتان ەڭ الشاق مەملەكەتتەر – تاياۋ شىعىس پەن سولتۇستىك افريكا ەلدەرى.

وكسفورد ۋنيۆەرسيتەتى عالىمدارىنىڭ ايتۋىنشا، سوڭعى ونجىلدىقتاردا ەۋروپالىق مەملەكەتتەردە ءۇي شارۋاسىمەن اينالىساتىن ەرلەردىڭ سانى ارتقان.

Abai.kz