اففيلەرلەنگەن قۇرىلىمداردىڭ بانكتەرگە ىقپالى بارىنشا تومەندەتىلەدى - ققا (تولىقتىرۋ)

استانا. 2 قىرقۇيەك. قازتاگ - يرينا نوس. قر قارجى نارىعىن جانە قارجى ۇيىمدارىن رەتتەۋ جانە قاداعالاۋ اگەنتتىگىنىڭ (ققا) باسشىسى ەلەنا باحمۋتوۆا قر ۇكىمەتىنە اشىق نەمەسە جاسىرىن اففيلەرلەنگەن قۇرىلىمداردىڭ بانكتەرگە ىقپالىن بارىنشا تومەندەتۋ بويىنشا زاڭ جوباسىن تانىستىردى.

«بىرىنشىدەن، اكتسيونەرلەردىڭ بانكتەرگە ىقپالىن شەكتەۋ ۇسىنىلىپ وتىر، وعان سايكەس، بانك حولدينگى مەن ءىرى قاتىسۋشىلار - جەكە تۇلعالاردان باسقا، ءبىر دە ءبىر تۇلعا بانك اكتسيالارىنىڭ 25 جانە ودان كوپ پايىزىنا تىكەلەي نەمەسە جاناما تۇردە يە بولا المايدى»،- دەدى ە.باحمۋتوۆا بەيسەنبى كۇنى ۇكىمەت وتىرىسىندا.

ونىڭ ايتۋىنشا، زاڭ جوباسىندا ۇسىنىلىپ وتىرعان بارلىق جاڭالىقتار وتپەلى كەزەڭگە يە.

مىسالى، بانك حولدينگتەرى بويىنشا وتپەلى كەزەڭ 2012 جىلدىڭ 1 قاڭتارىنا دەيىن، ينۆەستيتسيالىق قىزمەتكە قاتىستى بانك حولدينگتەرى بويىنشا وتپەلى كەزەڭ 2013 جىلدىڭ 1 قاڭتارىنا دەيىن ۇسىنىلعان.

«باستى نوۆەللا - بانك كونگلومەراتىنىڭ قۇرامىندا بانكتىك ەمەس  ۇيىمداردىڭ بولمايتىندىعىندا. بۇگىن تاجىريبەدە مۇنداي بار، سوندىقتان قۇرامىندا قارجىلىق ەمەس ۇيىمدار بار كونگلومەراتتار ولاردان قۇتىلۋ ءۇشىن وتپەلى كەزەڭ بەرىلەدى»، - دەپ ءتۇسىندىردى ە.باحمۋتوۆا.

«ەكىنشىسى - ەگەر بانكتىڭ ەنشىلەس نەمەسە تاۋەلدى ۇيىمدارى بولسا، ولارعا قوسىمشا رەسۋرستار مەن تاۋەلدى جانە ەنشىلەس ۇيىمداردى ءتيىستى دەڭگەيدە باسقارا الاتىن قىزمەتكەرلەر كەرەك. وسىعان سايكەس بانكتىڭ ەنشىلەس نەمەسە تاۋەلدى ۇيىمدارى بولسا، ونىڭ حولدينگى بولۋعا ءتيىس دەگەن قوسىمشا تالاپتار ەنگىزىلەدى»، - دەدى ول قازتاگ ءتىلشىسىنىڭ سۇراعىنا جاۋاپ بەرۋ بارىسىندا.

ونىڭ ايتۋىنشا، بانكتەردىڭ تاۋەلدى قارجى ۇيىمداردىڭ قىزمەتىنە ىقپالىن تومەندەتۋ ماقساتىندا ەنشىلەس قۇرىلىمدارداعى ديرەكتورلار كەڭەسىنىڭ بانك وكىلدەرى بولىپ تابىلاتىن مۇشەلەرىنىڭ سانىن 1/3 دەيىن ازايتۋ قاراستىرىلعان.