مۇسىلماننىڭ بەس پارىزىنىڭ ءبىرى قاجىلىق ساپاردى بۇدان بىلاي مەملەكەت قاداعالاپ وتىرۋى مۇمكىن. كەشەلى بەرى بىرقاتار باق بەتىندە، سونىڭ ىشىندە 31-ارنادا وسى جايت اڭگىمە بولىپ جاتىر. 

 "تەرروريزم مەن ەكسترەميزم تۋرالى" زاڭعا وسىنداي وزگەرتۋلەر ەنگىزۋ ۇسىنىلىپ وتىر. ويتكەنى، 5-ءشى پارىزدى وتەۋگە بارىپ، ارتىنان تەرىس اعىمداردىڭ جەتەگىنە ەرىپ كەتۋ جاعدايلارى كوپ ەكەن. جاڭا زاڭدى تالقىلاۋ جانە ءدىنتانۋشىلاردىڭ سوڭعى تەراكتىلەردەن كەيىنگى تۇجىرىمدارى ساراپشىلاردى وسىنداي بايلامعا كەلتىرىپ وتىر دەيدى اتالعان ارنانىڭ ءتىلشىسى. قاجىلىق ساپار تۋرالى ماماندار بىلاي دەسىپ اجتىر:  

عالىم شويكين، قر ءدىن ىستەرى جانە ازاماتتىق قوعام مينيسترلىگى ءدىن ىستەري كوميتەتىنىڭ توراعاسى:

- ءبىزدىڭ ازاماتتارىمىز قاجىلىققا بارعاندا، ۋمراعا بارعاندا ءارتۇرلى ءدىني اعىمداردىڭ ارباۋىنا ءتۇسىپ جاتادى. سوندىقتان زاڭدارىمىزدا بۇل تەتىكتى دە ءبىز بەلگىلەۋىمىز قاجەت. بۇل ءدىني ءراسىم رەتىندە بولعان سوڭ، ول قازاقستان مۇسىلماندارى ءدىني باسقارماسى تاراپىنان ۇيىمداستىرىلۋى قاجەت دەپ سانايمىز.

وسىلايشا، سىرتتاعى اعىمداردىڭ ىقپالىن ازايتۋ كوزدەلگەن. الايدا، ەڭ الدىمەن ەل ىشىندەگى احۋالدى رەتتەۋ ماڭىزدى بولىپ وتىر. وسى ورايدا ايدىڭ باسىندا باس پروكۋرور باستاعان اعارتۋ توبى اقتوبەگە ارنايى بارىپ، لاڭكەستىكتىڭ ءتۇپ سەبەبىن انىقتاۋعا كىرىسكەن. تەروريزم جاسادى دەپ ايىپتالىپ، تۇرمەدە وتىرعاندارمەن تىلدەسكەن تەولوگتار، باستاپقى تۇجىرىمدارىمەن ءبولىستى دەپ حابارلايدى 31-ارنا ءتىلشىسى.

 قۋات راەۆ، باس ءمۇفتيدىڭ كەڭەسشىسى:

- شىندىعىن ايتقاندا لاڭكەستىك جاساعانداردىڭ 70-80 پايىزى رايىنان قايتىپ، شىنايى وكىنىپ، جىلاپ وتىر. وزدەرىنىڭ اداسقاندىعىن ءبىلىپ وتىر. ويتكەنى كوبىنىڭ ءبىلىمى، تاريحتان ساۋاتى كەم. سۇراي كەلگەندە، قايسىبىرى ابىلاي حاننىڭ، شوقان ءۋاليحانوۆتىڭ، جالپى قازاقتىڭ كورنەكى عالىمدارى مەن باتىرلارىنىڭ كىمدەر ەكەندىگىن بىلمەيتىن بولىپ شىقتى.

ءبىر ايتا كەتەرلىگى، جازداعى لاڭكەستىككە قاتىسقانداردىڭ دەنى سول كۇنگە دەيىن تەرىس اعىمدا جۇرگەندەر ەكەن. ياعني، بۇل ء اپ-ساتتە راديكالدىق ارەكەتكە بارۋعا شەشىم قابىلدادى دەگەن ءسوز. وسىنى ەسكەرگەن ءدىنتانۋشىلار، قالاداعى وزگە جاماعاتپەن دە جۇمىس جۇرگىزگەن. الايدا، ارنايى اعارتۋ توبى كەلدى دەگەندى ەستىگەن ءداستۇرلى ەمەس اعىمداعىلار مەشىتتەرگە كەلۋدى سيرەتىپتى. ونىڭ ۇستىنە، قوعامنىڭ ءوزى ولاردى وقشاۋلاپ، تاربيەلەۋگە يتەرمەلەپ جاتقان كورىنەدى.

التىنبەك ۇتىسحانۇلى، قمدب جالپى جانە جاستار ءىسى ءبولىمىنىڭ مەڭگەرۋشىسى:

- ءتىپتى ول جات اعىمدا جۇرگەن وتباسىنىڭ كورشى-قولاڭدارىنىڭ ءوزى ولاردان ۇركىپ، "قاي كۇنى جارىپ جىبەرەدى ەكەن" دەپ، "قاي كۇنى زيان كەلتىرەدى ەكەن" دەگەن ۇرەيدە بولعاننان كەيىن ول ادامنىڭ وزىنە كۇندەلىكتى اۋىر تيەدى. سوندىقتان وسى ويدان قايتۋدى قويىپ، ء"تىپتى نامازدى وقىمايمىز" دەپ جاتقان جات اعىمدار دا بار.

بۇل - 1 ايماقتاعى عانا جاعداي. اعارتۋ توبى، تەرروريزم مەن ەكسترەميزم ءۇشىن سوتتالعانداردىڭ دەنى ورىس تىلىندە سويلەيتىن ازاماتتار دەيدى. ياعني، ۋاعىزدارىن ينتەرنەت ارقىلى تىڭدايتىندار. سوندىقتان، قاجەت جاعدايدا ورىس تىلىندە دە ۋاعىز ايتۋدى جولعا قويۋ ۇسىنىلىپ وتىر.

Abai.kz