قىرعىزداردىڭ قازاقستاندا تىركەۋسىز ءجۇرۋى 30 كۇنگە دەيىن ۇزارتىلدى
قىرعىزستان ازاماتتارى قازاقستان اۋماعىندا تىركەۋسىز 30 كۇنگە دەيىن جۇرە الادى. قىرعىز سىرتقى ىستەر ءمينيسترى ەرلان ابدىلداەۆتىڭ كورشى ەلگە ساپارىندا وسىنداي كەلىسىم جاسالدى.
قر ءسىم حابارلاۋىنشا، ساپار اياسىندا قازاقستان باسشىلىعىمەن كەزدەسۋلەردە بىرنەشە قۇجات قابىلداندى، سولاردىڭ ىشىندە قىرعىزستان مەن قازاقستان ازاماتتارىنىڭ ەكى ەل اۋماعىندا ءجۇرۋ ءتارتىبى تۋرالى حاتتامادا دا بار.
حاتتاماعا سايكەس، قىرعىزستان ازاماتتارى قازاقستان اۋماعىندا مەكەن-جايعا تىركەۋسىز 30 كۇن جۇرە الادى. بۇعان دەيىن بۇل مەرزىم بار بولعانى 5 كۇنمەن شەكتەلەتىن. قۇجات ەكى مەملەكەتتىڭ ىشكى راسىمدەرى اياقتالعان سوڭ كۇشىنە ەنەدى.
Abai.kz
