وتكەن اپتادا شىمكەنتتەگى "كورمە" ورتالىعىندا قر تاۋەلسىزدىگىنىڭ 25 جىلدىعىنا وراي «حالىق مۇراسى» اتتى وبلىستىق قولونەر شەبەرلەرىنىڭ كورمە-جارمەڭكەسى ءوتتى.

كورمەنىڭ ماقساتى - زامان تالىبىنا ساي، جۇننەن، قىشتان، اعاشتان، تەمىردەن، زەرگەرلىك بۇيىمدار جاساۋشى، كوركەم سۋرەت سالۋشى، ۇلتتىق ناقىشتا تىگىلگەن كورپە-توسەك پەن كيىمدەردى دايىندايتىن تۋىندى يەلەرى، ياعني جەرگىلىكتى كاسىپكەرلەردىڭ قولىنان شىققان ۇلتتىق بۇيىمداردى حالىققا تانىستىرىپ كەڭىنەن ناسيحاتتاۋ. حالىق اراسىندا ۇلتتىق قولونەردى ساقتاپ، دامىتۋ جولىندا ەڭبەك ەتىپ جۇرگەن تۇلعالاردىڭ جۇمىستارىن وسكەلەڭ ۇرپاققا تانىستىرىپ، قاسيەتتى ۇلتىمىزدىڭ قۇندىلىقتارىن ساقتاي وتىرىپ ەڭبەككە باۋلۋ بولىپ تابىلادى. 

كورمە-جارمەڭكەگە وبلىسىمىزدىڭ 32 قولونەر شەبەرلەرى ونەردىڭ ءتۇرلى سالاسى بويىنشا ءوز تۋىندىلارىن قويدى. ءادىل قازىلار القاسى قۇرامىندا قر شەبەرلەر وداعىنىڭ مۇشەسى، شىمكەنت ۋنيۆەرسيتەتىنىڭ دوتسەنتى سيموۆا ءبيبىاجار يمانبەكقىزى، قر ەڭبەك سىڭىرگەن مادەنيەت قايراتكەرى، قر سۋرەتشىلەر وداعىنىڭ مۇشەسى شيلىباەۆ نۇرلان ءشيلىبايۇلى، قر سۋرەتشىلەر وداعىنىڭ مۇشەسى احمەتوۆ ءابدىمۇتالىپ مۇستافاۇلى، «وڭتۇستىك قازاقستان» گازەتىنىڭ «رۋحانيات» ءبولىمىنىڭ اعا ءتىلشىسى تاستانبەكوۆا لاۋرا قالشابەكقىزى، وبلىستىق مادەنيەت باسقارماسى، تاريحي-مادەني قۇندىلىقتاردى ساقتاۋ ءبولىمىنىڭ باس مامانى جۇماعۇلوۆا اياۋلى تاجىبايقىزى بولدى. ءادىل-قازىلاردىڭ شەشىمىممەن باس جۇلدەنى اعاشتان ۇلتتىق بۇيىمدار جاساۋشى شەبەر اۋەلبەكوۆ ياكيا يەلەندى. 1-ورىندى بىلعارى زەرگەر شەبەرى جەلدىباەۆ اشىربەك جانە قىز جاساۋىن دايىنداۋشى وماربەكوۆا ەلميرا، 2-ورىندى بىلعارىدان بۇيىم جاساۋشى جەلديباەۆ باعلان جانە اعاشتان، مۇيىزدەن، سۇيەكتەن بۇيىمدار جاساۋشى تۇركىستان قالاسىنىڭ شەبەرى كۋنحوجاەۆ گاۋحاربەك، 3-ورىندى «تۇمار» جشس-نان ەسيمبەكوۆا گۇلنازيا جانە تۇلكىباس اۋدانىنان قولونەر شەبەرى ەلەپبەرگەنوۆ امانگەلدى جانە ساندىق ساندىق جاساۋشى سارسەنباەۆ ماقسات يەلەندى.

سونىمەن قاتار، بارلىق قاتىسۋشىلارعا سەرتيفاكاتتار تاپسىرىلدى.

Abai.kz