كەزدەسۋدەن سوڭ بوريس دجونسوننىڭ جۋرناليستەرگە مالىمدەۋىنشە، لوندون جانە ۆاشينگتون سيريالىق پرەزيدەنت باشار اساد جۇيەسى مەن ونىڭ جاقتاستارىنا قىسىم جاساي بەرۋ كەرەك دەپ ەسەپتەيدى. بريتاندىق ديپلوماتتىڭ پىكىرىنشە، سيرياداعى اسكەري قىلمىسقا جاۋاپتىلار حالىقارالىق قىلمىستىق سوت الدىندا جاۋاپ بەرۋى ءتيىس.

ەۋروپالىق ەلدەردىڭ سيرياداعى سوعىسقا قاتىسۋعا نيەتى جوق، دەدى بريتاندىق مينيستر.

دجونسون سيريالىق پرەزيدەنت اساد جۇيەسى مەن ونىڭ رەسەيلىك وداقتاستارىنىڭ الەپپو قالاسىنا باقىلاۋ ورناتاتىنىنا نەمەسە سوعىستا جەڭىسكە جەتەتىنىنە كۇمان كەلتىردى. ول رەسەي مەن يراندى جانجالدىڭ شەشىمىن تابۋعا ىقپال ەتۋگە شاقىردى. دجون كەرريدىڭ ايتۋىنشا، اقش پەن ونىڭ جاقتاستارى سيريا جونىندە جاڭا سانكتسيالار ەنگىزۋ ماسەلەسىن قاراستىرىپ جاتىر، بىراق ول مۇنداي سانكتسيالاردىڭ ناقتى كىمدەرگە قارسى باعىتتالاتىنىن اتاعان جوق.