تۇركىمەنستان پرەزيدەنتى گۋربانگۋلى بەردىمۇحامەدوۆ ۇكىمەت پەن مەملەكەتتىك قاۋىپسىزدىك كەڭەسىنىڭ بىرلەسكەن وتىرىسىندا ەل باسشىلىعىن الداعى سايلاۋعا دايىندالۋدى تاپسىردى. ونىڭ ايتۋىنشا، "وتە ماڭىزدى قوعامدىق-ساياسي وقيعا جوعارى دەڭگەيدە - دەموكراتيالىق قاعيدالارعا ساي جانە بىرنەشە ۇمىتكەردىڭ قاتىسۋىمەن ءوتۋى ءتيىس".

سوڭعى مارتە تۇركىمەنستان پرەزيدەنتىن سايلاۋ 2012 جىلى اقپان ايىندا ءوتتى. سول كەزدە گۋربانگۋلى بەردىمۇحامەدوۆكە بارلىق سايلاۋشىلاردىڭ 97,14 پايىزى داۋىس بەردى.

تۇركىمەنستان پارلامەنتى 2016 جىلدىڭ 14 قىركۇيەگىندە ەلدىڭ جاڭا كونستيتۋتسياسىن قابىلدادى. ول بويىنشا، پرەزيدەنتتىك باسقارۋ مەرزىمى بەس جىلدان جەتى جىلعا دەيىن ۇزارتىلدى. سونىمەن بىرگە زاڭدا ۇمىتكەر جاسى 70-تەن اسپاۋ تۋرالى شەكتەۋ الىپ تاستالىندى. "ەسكى" كونستيتۋتسيا بويىنشا، تۇركىمەنستان پرەزيدەنتى گۋربانگۋلى بەردىمۇحامەدوۆتىڭ قىزمەت مەرزىمى 2017 جىلدىڭ اقپانىندا اياقتالادى.