بۇگىن قازاقستان رەسپۋبليكاسى تاۋەلسىزدىگىنىڭ 25 جىلدىعىن وتكىزۋ اياسىندا «قۋاتتى ءوڭىر – قۋاتتى قازاقستان» وڭتۇستىك قازاقستان وبلىسىنىڭ استاناداعى ەكىنشى كۇنى «نۇرىن شاشقان  - وڭتۇستىك» فوتوكورمەسى مەن جالعاسىن تاۋىپ، ء«ان - شاشۋىم وزىڭە، مەرەيلى استانام!» وڭتۇستىك قازاقستان وبلىسى ونەر شەبەرلەرىنىڭ گالا-كونتسەرتىمەن قورىتىندىلاندى. بۇل تۋرالى «Abai.kz» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ەلورداداعى كونگرەسس حولدا ۇيىمداستىرىلعان شاراعا ءوڭىر باسشىسى جانسەيىت تۇيمەباەۆ قاتىسىپ، استانا قالاسىنىڭ قوناقتارى مەن جۇرتشىلىعىنىڭ نازارىنا ۇسىنىلعان جىلجىمالى فوتوكورمەنى تاماشالادى.

اتالعان كورمەگە تاۋەلسىزدىك جىلدارىندا ەلباسىمىزدىڭ وڭتۇستىك قازاقستان وبلىسىنا كەلۋىندەگى ماڭىزدى ءىس-ساپارلارى مەن وركەندەگەن وڭتۇستىك تىنىسىنان كورىنىس تاپقان قالامىزدىڭ كوركەم جەرلەرى بەينەلەنگەن  50-دەن استام فوتو سۋرەتتەر قويىلعان. 

سونىمەن قاتار، وبلىس اكىمى ء«ان - شاشۋىم وزىڭە، مەرەيلى استانام!» اتتى ونەر شەبەرلەرىنىڭ گالا-كونتسەرتىنە قاتىستى.

سۇگىردىڭ «ىڭعايتوك» كۇيىمەن باستاۋ العان مەرەيتويلىق كونتسەرتتە   300-گە جۋىق وڭتۇستىكقكازاقستاندىق ونەر مايتالماندارى استانالىقتارعا ولكەمىزدىڭ ونەرىن ۇسىندى. ەلوردا تورىندە «قۇلاقتان كىرىپ بويدى الار، اسەم ءان مەن ءتاتتى كۇيى» ورىندالىپ، مىڭ بۇرالعان بيشىلەرىمىز ء وز ونەرلەرىمەن قوناقتاردى ءتانتى ەتتى.

Abai.kz