اي ماڭداي كەتپەنى كۇنگە جار­قىراعان ديقاننىڭ، ەرتە كوك­تەمنەن الا جازداي ءبىر تىنىم تاپ­پاي «كوكتەمنىڭ ءبىر كۇنى جىل­عا ازىق» دەگەندى ءوز باسى­نان وت­­كەرگەن شارۋانىڭ ەڭبەگىنىڭ راحا­تىن كورەتىن كەزى قوڭىر كۇز. تولەبيدىڭ  اۋىلشارۋاشىلىق قىزمەتكەرلەرى بيىلعى جىلدى جاقسى قورىتىندىلادى.

قاي ۋاقىتتا بولماسىن، اۋدان ەڭبەككەرلەرى كۇز ايىندا ەگىن جيىپ-تەرىپ، مالدىڭ ازىعىن جيناپ بولعان ساتتە بۇرىننان كەلە جاتقان ءداستۇر بويىنشا، تولەبيدىڭ اۋىل شارۋاشىلىعى ەڭبەككەرلەرى «التىن كۇز» مەرەكەسىن سالتاناتتى تۇردە اتاپ وتەدى.

وسىعان وراي، «تاۋ جۇلدىزى» لوگيستيكالىق - ساۋدا ورتالىعى اۋ­ماعىندا اۋىلدىق وكرۋگتەردىڭ ۇيىمداستىرۋىمەن كيىز ۇيلەر تىگىلىپ، اۋدان تۇرعىندارى مەن قوناقتارعا داستارحان جايىلدى. مەرەكەدە اۋىل شارۋاشىلىق ونىمدەرىنىڭ جارمەڭكەسى ۇيىمداستىرىلدى.  جارمەڭكەدە اۋداننىڭ اۋىل شارۋاشىلىق ەڭبەككەرلەرى ءوز ونىمدەرىن جۇرتشىلىققا ۇسىندى. بارلىق تاۋارلار تومەن باعادا ساتىلدى.

بيىلعى جىل اۋىل شارۋاشىلىق تاۋار وندىرۋشىلەرىمىزدىڭ ەڭبەكتەرى جوعارى باعالانىپ، وڭ ناتيجەلى وزگەرىستەرگە تولى جىل بولىپ وتىر. ءبىزدىڭ اۋدان نەگىزىنەن اۋىل شارۋاشىلىق باعىتىن ۇستانادى. جىلدان جىلعا ەگىستىك كولەمى ۇلعايىپ، مال شارۋاشىلىعىنداعى جەتىستىكتەرىمىز ارتىپ كەلەدى.

ءوز ەڭبەكتەرىمەن جوعارى كورسەتكىشتەرگە يە بولعان اۋدان ەڭبەككەرلەرى ماراپاتتالدى. ماسەلەن، اۋىل شاۋراشىلىعىندا سىڭىرگەن ەڭبەگى ءۇشىن وڭتۇستىك قازاقستان وبلىستىق ءماسليحاتىنىڭ گراموتاسىمەن الىبەكوۆ پسكەنتالى،  ەسپولوۆ  جايلاۋحان ماراپاتتالدى.

اۋىل شارۋاشىلىعى سالاسىنا جوعارعى كورسەتكىشتەرگە قول جەتكىزگەنى ءۇشىن اۋدان اكىمىنىڭ العىس حاتىمەن تورەبەكوۆ پولات،  دۇيسەباەۆ مەيىرجان، قادىربەكوۆ ەسىمحان ماراپاتتالدى.

وڭتۇستىك قازاقستان وبلىسى اگروونەركاسىپتىك كەشەنى ەڭبەككەرلەرى كاسىپوداعى كەڭەسىنىڭ «ەڭبەك داڭقى» بەلگىسىمەن  جۇماباەۆ ماقسات،  سەرىكباي بورانبەك  ماراپاتتالادى.

9 ايدىڭ قورىتىندىسى بويىنشا ەگىلگەن استىق كولەمى 20613 گا جەتىپ، ءتۇسىمى گەكتارىنا 27 تسەنتنەر، ءداندى داقىل 10886 گا جەتىپ،  ءتۇسىمى گەكتارىنا 10,5 تسەنتنەر بولدى. مال جانە قۇس ەتى – 9221 تونناعا، ءسۇت -  43305 تونناعا، ال قىمىز ءوندىرۋ -480 تونناعا جەتتى. وسى جەتىستىكتەرگە جەتۋگە ءوز ۇلەستەرىن قوسقان قىمىز  باعىتىندا جانە اۋىل شارۋاشىلىعى ونىمدەرىن وڭدەۋمەن ورازىمبەتوۆا ۇلبوسىن  9 ايدا 41640 ليتر قىمىز ءوندىرىپ،   كورتاەۆ تۇرار -  32500 ليتر،  ابۋوۆ ۇسەن - 40000 ليتر جانە ابدرايموۆ وڭعار  40500 ليتر قىمىز ءوندىرىپ اۋدان اكىمىنىڭ  ماراپاتىنا يە بولدى.

مەرەكە كونتسەرتتىك باعدارلاما مەن سپورتتىق ويىندارمەن  جالعاستى.

جاسوسپىرىمدەر اراسىندا قازاقشا كۇرەستەن  80 كگ دەيىنگى سالماقتا  وتكىزگەن جارىستا، لەنگەر قالاسىنىڭ تۇرعىنى ابدۋاقاس يلياس تۇيە پالۋان اتاعىن جەڭىپ الدى. 80 كگ سالماقتان جوعارى  پالۋاندار اراسىندا وگىز كوتەرۋدەن باق سىناسىپ، 15 رەت وگىز كوتەرگەن بەكبوسىنوۆ ەربۇلان قاراتوبە اۋلىنىڭ تۋماسى، ءبىر قويدى  قانجىعاسىنا بايلاپ كەتتى.

Abai.kz