جاقىندا پرەزيدەنت اكىمشىلىگىنىڭ ينسپەكتورى وڭتۇستىك قازاقستاندىق تۇرعىنداردى قابىلدادى. بۇل تۋرالى «اباي اقپارات» پورتالىنىڭ شىمكەنتتەگى مەنشىكتى ءتىلشىسى حابارلايدى.

بيلىك باسىنداعى «نۇر وتان» حالىقتىق پارتياسىنىڭ وڭتۇستىك قازاقستان وبلىستىق فيليالىندا قازاقستان پرەزيدەنتى اكىمشىلىگىنىڭ مەملەكەتتىك ينسپەكتورى مۇرات يماندوسوۆ قوعامدىق قابىلداۋ وتكىزدى. جەكە جانە قوعامعا ورتاق ماسەلەلەرمەن كەلگەن ازاماتتار ينسپەكتورعا ءوز قۇقىقتارىن قورعاۋ جانە بەلەڭ العان سىبايلاس جەمقورلىق، قۇقىق قورعاۋ ورگاندارى وكىلدەرىنىڭ زاڭسىز ارەكەتتەرىنە قاتىستى شاعىمدارىن جەتكىزدى.

تۇرعىنداردىڭ باسىم بولىگى ساۋالدارىمەن ءتيىستى مەكەمەلەردىڭ تابالدىرىعىن توزدىرعاندار ەكەن. مەملەكەتتىك ينسپەكتور ارىزداردىڭ بارلىعى دەرلىك باقىلاۋدا بولاتىنىن جانە ول بويىنشا مىندەتتى تۇردە جازباشا جاۋاپ بەرىلەتىنىن ايتتى.

قوعامدىق قابىلداۋعا قاتىسقان سالا ماماندارى وزدەرىنە قاتىستى تۇستار بويىنشا تەكسەرۋ جۇرگىزەدى. ەگەر شاعىمداردا كورسەتىلگەن فاكتىلەر راستالسا، وندا دەر كەزىندە شەشۋگە نەمقۇرايلىق تانىتقان مەملەكەتتىك قىزمەتكەرلەر جاۋاپقا تارتىلادى. مەملەكەتتىك ينسپەكتور مۇرات سامۇراتۇلىنىڭ قابىلداۋى بىرقاتار اۋدانداردا جالعاستى.

ايتا كەتەيىك، وڭتۇستىك قازاقستان وبلىسى اكىمدىگى مۇنداي قوعامدىق قابىلداۋلاردى ءجيى وتكىزىپ تۇرادى. جاقىندا وڭتۇستىك قازاقستان وبلىسىنا اكىم بولىپ تاعايىندالعان جانسەيىت قانسەيىتۇلى تۇيمەباەۆ وبلىستاعى وڭىرلەردى ارالاپ، تۇرعىنداردىڭ ۋاجدەرىن تىڭداعان بولاتىن. تولەبي، سايرام اۋداندارىندا بىرقاتار نىسانداردى اشىپ، اۋىلشارۋاشىلىق ماسەلەلەرىن تالقىلادى. اسىرەسە ديقانداردىڭ بيىلعى ءونىم جيناۋ ناۋقانىن قورىتىندىلادى.

Abai.kz