بۇل تۋرالى بۇگىن وقو ايماقتىق كوممۋنيكاتسيالار ورتالىعىندا وتكەن ءباسپاسوز بريفينگىندە مەملەكەتتىك «جۇمىسپەن قامتۋ 2020» جول كارتاسى باعدارلاماسى اياسىندا وڭىرىمىزدەگى «ىرىس» ميكروقارجى ۇيىمىنىڭ ديرەكتورى حيلولا نازارمەتوۆا مالىمدەدى.

وڭتۇستىك قازاقستان وبلىسىنداعى «ىرىس» قارجى ۇيىمى وسى كەزگە دەيىن قۇنى 2,1 ميلليارد تەڭگە بولاتىن 1003 جوبانى قارجىلاندىرعان. ونىڭ نەگىزگى بولىگى مال شارۋاشىلىعىن قۇرايدى، ياعني بۇل ماقساتتا 1,8 ميلليارد تەڭگە نەسيە بەرىلىپ، 888 جوبا قارجىلاندىرىلعان. ال، ەگىن شارۋاشىلىعى بويىنشا 106,5 ميلليون تەڭگەگە 44 جوبا ىسكە اسىرىلدى. وزگە دە قىزمەت تۇرلەرى بويىنشا 71 جوباعا 150 ميلليون تەڭگە قاراجات قۇيعان. «بۇل تۋرالى وقو ايماقتىق كوممۋنيكاتسيالار ورتالىعىندا وتكەن ءباسپاسوز بريفينگىندە مەملەكەتتىك «جۇمىسپەن قامتۋ 2020» جول كارتاسى باعدارلاماسى اياسىندا وڭىرىمىزدەگى «ىرىس» ميكروقارجى ۇيىمىنىڭ ديرەكتورى حيلولا نازارمەتوۆا مالىمدەدى»، - دەيدى وبلىس اكىمىنىڭ ءباسپاسوز قىزمەتى.

ونىڭ ايتۋىنشا، بيىل اتالعان باعدارلاما بويىنشا وبلىسىمىزعا 7,0 ملرد. تەڭگەدەن استام قاراجات ءبولىنىپ، ونىڭ 3,8 ميلليارردى «اۋىلشارۋاشىلىعىن قارجىلاي قولداۋ قورى» ارقىلى تاراتىلىپتى. بۇل باعدارلاما بويىنشا كاسىپكەرلەرگە ەڭ جوعارعى سوما 3,0 ملن. تەڭگەگە دەيىن بەرىلەدى. ول ءۇشىن قاراجاتتى الۋعا نيەت بىلدىرگەن ازاماتتار ەڭ الدىمەن «جۇمىسپەن قامتۋ 2020» جول كارتاسى باعدارلاماسىنىڭ تالاپتارىنا ساي كەلۋ كەرەك. بەرىلەتىن نەسيەنىڭ ماكسيمالدى سوماسى 6,0 ملن.تەڭگە، جىلدىق سىياقىسى 7 پايىز. مەرزىمى 54 ايعا دەيىن بەرىلەدى.

ءيا، بۇگىندە جەڭىلدەتىلگەن نەسيە الىپ، شارۋاسىن دوڭگەلەتىپ وتىرعان شارۋالار قاتارى كوبەيىپ كەلەدى. بۇل ەل ەكونوميكاسىن كوتەرۋگە كومەك بولۋمەن قاتار، ءوزىن ءوزى جۇمىسپەن قامتۋدا تاپتىرمايتىن ءادىس سانالادى. ءبىر شارۋانىڭ ارەكەتى بۇكىل وتباسىنا تۇراقتى جۇمىس، ءارى تابىس كوزى بولا الادى.

وقو اكىمىنىڭ ءباسپاسوز قىزمەتى