الماتى. 3 قىرقۇيەك. قازتاگ - الماتىنىڭ تۇرعىن ءۇي قورى جىلىتۋ ماۋسىمىنا 86%-عا،ءبىلىم بەرۋ جانە دەنساۋلىق ساقتاۋ نىساندارى 100%-عا دايىن، دەپ حابارلايدى قالا اكىمدىگىنىڭ ءباسپاسوز قىزمەتى.

جۇما كۇنى 2010-2011 جىلدارداعى كۇز-قىس كەزەڭىنە دايىندىق ماسەلەلەرىنە ارنالعان كەڭەستە وسىنداي مالىمەت كەلتىرىلدى.

جالپى العاندا، قالادا جىلىتۋ ماۋسىمىنا دايىندىق جۇمىستارى جوسپارلانعان كەستەدەن وزىپ جۇزەگە اسىرىلىپ جاتىر، دەپ ءمالىم ەتتى قالا اكىمىنىڭ ورىنباسارى ەربول شورمانوۆ. قالالىق شتاب ەنەرگەتيكالىق كەشەن، ءبىلىم بەرۋ، دەنساۋلىق ساقتاۋ، تۇرعىن ءۇي قورىنىڭ نىساندارىن كۇز-قىس كەزەڭىندەگى سەنىمدى جانە ساپالى جۇمىسقا دەر كەزىندە دايىنداۋ جۇمىستارىن باقىلاپ، ۇيلەستىرىپ وتىر، دەلىنگەن حابارلامادا.

بيىل اكىمدىك جىلۋ جۇيەلەرىن جوندەۋ بويىنشا جۇمىستىڭ رەكوردتىق كولەمىن ورىندادى. 19,2 شاقىرىم سۋ-جىلۋمەن قامتۋ جانە كارىز جەلىلەرىن قايتا جوندەۋگە ت1,359 ملرد ءبولىندى. قىرقۇيەك ايىندا نەگىزگى جىلۋ ماگيسترالدارىنداعى جوندەۋ جۇمىستارى اياقتالادى. جىلۋ جەلىلەرىن جوندەۋ دەمالىسسىز جۇرگىزىلىپ جاتىر.

الماتى. 3 قىرقۇيەك. قازتاگ - الماتىنىڭ تۇرعىن ءۇي قورى جىلىتۋ ماۋسىمىنا 86%-عا،ءبىلىم بەرۋ جانە دەنساۋلىق ساقتاۋ نىساندارى 100%-عا دايىن، دەپ حابارلايدى قالا اكىمدىگىنىڭ ءباسپاسوز قىزمەتى.

جۇما كۇنى 2010-2011 جىلدارداعى كۇز-قىس كەزەڭىنە دايىندىق ماسەلەلەرىنە ارنالعان كەڭەستە وسىنداي مالىمەت كەلتىرىلدى.

جالپى العاندا، قالادا جىلىتۋ ماۋسىمىنا دايىندىق جۇمىستارى جوسپارلانعان كەستەدەن وزىپ جۇزەگە اسىرىلىپ جاتىر، دەپ ءمالىم ەتتى قالا اكىمىنىڭ ورىنباسارى ەربول شورمانوۆ. قالالىق شتاب ەنەرگەتيكالىق كەشەن، ءبىلىم بەرۋ، دەنساۋلىق ساقتاۋ، تۇرعىن ءۇي قورىنىڭ نىساندارىن كۇز-قىس كەزەڭىندەگى سەنىمدى جانە ساپالى جۇمىسقا دەر كەزىندە دايىنداۋ جۇمىستارىن باقىلاپ، ۇيلەستىرىپ وتىر، دەلىنگەن حابارلامادا.

بيىل اكىمدىك جىلۋ جۇيەلەرىن جوندەۋ بويىنشا جۇمىستىڭ رەكوردتىق كولەمىن ورىندادى. 19,2 شاقىرىم سۋ-جىلۋمەن قامتۋ جانە كارىز جەلىلەرىن قايتا جوندەۋگە ت1,359 ملرد ءبولىندى. قىرقۇيەك ايىندا نەگىزگى جىلۋ ماگيسترالدارىنداعى جوندەۋ جۇمىستارى اياقتالادى. جىلۋ جەلىلەرىن جوندەۋ دەمالىسسىز جۇرگىزىلىپ جاتىر.

1-ءشى جەو مەن 2-ءشى جەو-نىڭ اراسىن قوساتىن ماگيسترالدىڭ قۇرىلىسى ماڭىزدى جوبالاردىڭ ءبىرى بولىپ وتىر. بۇل الماتىنىڭ شىعىس بولىگىندە ءوسىپ وتىرعان جىلۋ بويىنشا جۇكتەمەنى قامتاماسىز ەتۋ ءۇشىن 400 گكال/ساع ەسەپتىك جىلۋ قۋاتىمەن قوسىمشا جىلۋ بەرۋگە، بۇل ءوز كەزەگىندە 1-ءشى جەو-دا ورتەلەتىن وتىن كولەمىن ازايتۋعا مۇمكىندىك بەرەدى. سونداي-اق، ماگيسترالدىڭ الاتاۋ اۋدانىندا وتەتىن جەرىندەگى بولاشاق تۇتىنۋشىلارعا جىلۋ بەرۋ قامتاماسىز ەتىلەدى.

2-ءشى جەو-دان جىلۋ قۋاتىن قابىلداۋ ءۇشىن 1-ءشى جەو-دا قايتا جوندەۋ جۇمىستارىن قولعا الۋ جوسپارلانعان. بۇل جىلۋ قۋاتىن الماتىنىڭ ورتالىق بولىگىندەگى تۇتىنۋشىلارعا بەرۋگە جاعداي جاسايدى. 2010 جىلى 1-ءشى جەو-نى جوندەۋگە رەسپۋبليكالىق بيۋدجەتتەن ت2,5 ملرد ءبولىندى.

«الاتاۋ جارىق كومپانياسى»اق 8 پودستانتسيانى ىسكە قوسۋدى جوسپارلاپ وتىر. ونىڭ ىشىندە «ەرمەنساي»، «مەدەۋ» جانە «شىمبۇلاق»پودستانتسيالارى بار. بۇل پودستانتسيالار مەدەۋ شاتقالىنداعى تۇتىنۋشىلاردى ەلەكتر قۋاتىمەن جىلىتۋعا كوشۋگە مۇمكىندىك بەرەدى، بۇل ءوز كەزەگىندە ەكولوگيالىق جاعدايدى جاقسارتادى. «سامۇرىق-قازىنا» ۇاق-نىڭ 9 پودستانتسيانى سالۋى ازيادا نىساندارىن، مەتروپوليتەندى جانە قالانى تۇگەل سەنىمدى تۇردە جارىقپەن قامتاماسىز ەتۋگە مۇمكىندىك بەرەدى.

كەڭەستىڭ قورىتىندىسى بويىنشا الماتى اكىمى احمەتجان ەسىموۆ اۋدان اكىمدەرىنە پيك-تەرمەن بىرلەسىپ بارلىق تۇرعىن ۇيلەردىڭ جىلىتۋ ماۋسىمىنا تولىققاندى دايىندىعىن پىسىقتاۋدى تاپسىردى.