جەكە زەرتحانا زاماناۋي اۆتوماتتاندىرىلعان قۇرىلعىلارمەن جابدىقتالعان.

قاراساي اۋداندىق ەمحاناسىنىڭ بازاسىندا «وليمپ كدز» جشس-مەن مەملەكەتتىك-جەكەمەنشىك سەرىكتەستىك شەڭبەرىندە جوعارى تەحنولوگيالى زەرتحانالىق دياگنوستيكا ورتالىعى اشىلدى. ەندى اۋدان تۇرعىندارى مەن ەمدەلۋشىلەرگە اناليز تاپسىرۋ ءۇشىن ۇزىن-سونار كەزەككە تۇرۋدىڭ نەمەسە باسقا قالاعا بارۋدىڭ قاجەتى جوق. جاڭا جەكەمەنشىك ورتالىق قارجى مەن ۋاقىتتى ۇنەمدەيدى، ءاناليزدىڭ ناتيجەلەرىن الۋ دا ىڭعايلى بولماق.

«ورتالىق دارىگەرلەر مەن ەمدەلۋشىلەر ءۇشىن زەرتحانالىق زەرتتەۋلەردى ۇزدىكسىز ورىنداۋدى قامتاماسىز ەتەدى، زاماناۋي اۆتوماتتاندىرىلعان قۇرىلعى زەرتتەۋ ساپاسىن 3 دەڭگەيلى باقىلاۋعا مۇمكىندىك بەرەدى. مەملەكەتتىك-جەكەمەنشىك سەرىكتەستىكتىڭ باستى پايداسى – اۋدان تۇرعىندارى مەن دارىگەرلەرى بيۋدجەت قاراجاتىن ۇنەمدەي وتىرىپ، كوپتەگەن ساپالى زەرتحانالىق قىزمەت تۇرلەرىنە قول جەتكىزەدى، دياگنوستيكا مەن ناۋقاستاردى ەمدەۋ دەڭگەيى ارتادى»، – دەيدى باس ديرەكتور ەرلان سۇلەيمەنوۆ.

«وليمپ» كلينيكالىق-دياگنوستيكالىق زەرتحانالار جەلىسى مەديتسينالىق قىزمەت كورسەتۋ نارىعىندا 2007 جىلدان بەرى جۇمىس ىستەپ كەلەدى، بۇگىنگى تاڭدا قازاقستانداعى جەكەمەنشىك زەرحانالاردىڭ ىشىندەگى كوشباسشىسى. زەرتحانانىڭ 14 وبلىستا جانە رەسپۋبليكالىق ماڭىزى بار 2 قالادا فيليالدارى بار. 2014 جىلدان بەرى كومپانيا ISO حالىقارالىق ساپا ستاندارتى بويىنشا اككرەديتتەلگەن. تاعى ءبىر ۇلكەن ارتىقشىلىعى: ەمدەلۋشىنى ەم الۋعا شەتەلگە جىبەرگەن جاعدايدا، كومپانيا ناتيجەلەردى قوسىمشا تولەمدەرسىز ۇسىنا الادى. بۇگىندە ەمدەلۋشىلەر ءۇشىن 2000-نان استام زەرتتەۋ قولجەتىمدى. «وليمپ» زەرتحاناسى Synlab, Limbach, Centogene

سياقتى ءىرى ەۋروپالىق زەرتحانالارمەن جانە رەسەيدەگى قورعان وبلىسىنىڭ «مولەكۋليارلى-گەنەتيكالىق ساراپتاما ورتالىعىمەن» تىعىز بايلانىستا.

اتالعان جوبا اياسىندا زاماناۋي زەرتحانالىق قۇرال-جابدىقتارى بار جانە باعدارلامالىق جاعىنان قامتاماسىز ەتىلگەن ورتالىقتاندىرىلعان مەديتسينالىق زەرتحانا قۇرىلادى. ول كەيىن كومپانيانىڭ سەنىمدى باسقارۋىنا بەرىلەدى. ء«وليمپتىڭ» بۇل جاعىنان جاقسى تاجىريبەسى بار. 2010 جىلدان بەرى قاراعاندى قالاسىنداعى بارلىق امبۋلاتوريالىق زەرتحانالىق قىزمەتتەر تابىستى تۇردە ورتالىقتاندىرىلدى.

«مجس شەڭبەرىندە ارىپتەستىكتەن حالىق قانا ەمەس، مەملەكەت تە پايدا كورەدى. ويتكەنى اۋداندىق اۋرۋحانا بيزنەسپەن ارىپتەستىك ورناتۋ ارقىلى ينفراقۇرىلىمدارعا ينۆەستيتسيالار تارتادى، اناليزاتورلار پاركىن زاماناۋي ءمودۋلدى جۇيەلەرمەن جاڭارتادى. ول زەرتتەۋلەر ايماعىن كەڭەيتۋگە جانە زاماناۋي جوعارعى اقپاراتتىق تەستىلەر ەنگىزۋگە مۇمكىندىك بەرەدى. ولار دارىگەرلەر مەن ەمدەلۋشىلەرگە دياگنوستيكا مەن ەمدەۋ ساپاسىن ارتتىرۋعا قاجەت. مۇنداي سەرىكتەستىك جوندەۋ جۇمىستارىنا، قۇرال-جابدىقتاردى ۇستاۋعا، رەاگەنتتەر ساتىپ الۋعا كەتەتىن شىعىنداردى ازايتىپ، شتاتتىڭ جۇمىسىن تەزدەتىپ، قاراساي اۋدانى ورتالىق اۋداندىق اۋرۋحاناسىنىڭ ەڭبەكاقى قورىن ۇنەمدەيدى»، – دەيدى باس ديرەكتور ەرلان سۇلەيمەنوۆ.

Abai.kz