قازاقستان رەسپۋبليكاسى مادەنيەت جانە سپورت مينيسترلىگى   قازاقستان رەسپۋبليكاسىندا تىلدەردى قولدانۋ مەن دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جانە قازاقستان رەسپۋبليكاسى پرەمەر-ءمينيسترىنىڭ كەڭسەسى، قازاقستان رەسپۋبليكاسى پارلامەنتى سەناتىنىڭ اپپاراتى، قازاقستان رەسپۋبليكاسى پارلامەنتى ءماجىلىسىنىڭ اپپاراتى، قازاقستان رەسپۋبليكاسىنىڭ ادىلەت مينيسترلىگى، قازاقستان رەسپۋبليكاسىنىڭ سىرتقى ىستەر مينيسترلىگى جانە مينيسترلىك اراسىندا زاڭ جوبالارى مەن حالىقارالىق شارتتاردىڭ تەڭتۇپنۇسقالىلىعى جانە لينگۆيستيكالىق ساراپتاما ساپاسىن ارتتىرۋعا باعىتتالعان شارالار جونىندەگى ىنتىماقتاستىق تۋرالى مەموراندۋمى اياسىندا زاڭناما ماتىندەرىنىڭ مەملەكەتتىك تىلدەگى نۇسقالارىنىڭ جانە ىسقاعازدارىن جۇرگىزۋدىڭ ساپاسىن جاقسارتۋ، سالالىق تەرميندەردى بىرىزدەندىرۋ ماقساتىندا «زاڭناما ماتىندەرى: تەڭتۇپنۇسقالىلىقتى قامتاماسىز ەتۋ جانە تەرميندەردى بىرىزدەندىرۋ ماسەلەلەرى» تاقىرىبىندا رەسپۋبليكالىق ادىستەمەلىك سەمينار وتكىزدى.

سەميناردا قازاقستان رەسپۋبليكاسى پارلامەنتى ءماجىلىسى اپپاراتى رەداكتسيالاۋ جانە اۋدارما ءبولىمىنىڭ باس كونسۋلتانتى ەسىموۆ جانىبەك، قر پرەزيدەنتى اكىمشىلىگى جالپى ءبولىمىنىڭ رەداكتسيالىق ساراپتاما جانە اكتىلەردى شىعارۋ سەكتورىنىڭ مەڭگەرۋشىسى ساعىن بەكزادا، قازاقستان رەسپۋبليكاسى پارلامەنتى سەناتى اپپاراتى رەداكتسيالىق باسپا ءبولىمى مەڭگەرۋشىسىنىڭ ءورىنباسارى ابدىراسىلوۆ ەربول، قازاقستان رەسپۋبليكاسى زاڭناما ينستيتۋتى لينگۆيستيكا ورتالىعىنىڭ باستىعى مىرزاەۆا شولپان، قازاقستان رەسپۋبليكاسى زاڭناما ينستيتۋتى لينگۆيستيكا ورتالىعىنىڭ اعا عىلىمي قىزمەتكەرى شولان بەكەن سىندى بىلىكتى ماماندار مەملەكەتتىك تىلدە زاڭ جوبالارىن ازىرلەۋ مەن ولارعا لينگۆيستيكالىق ساراپتاما جاساۋداعى، زاڭدار مەن حالىقارالىق شارتتار ماتىندەرىنىڭ اۋدارمالارىنداعى جانە مەملەكەتتىك تىلدە ىسقاعازدارىن جۇرگىزۋدەگى وزەكتى ماسەلەلەر توڭىرەگىندە كەلەلى وي قوزعاپ، ءوز تاجىريبەلەرىمەن ءبولىستى. زاڭناما ماتىندەرىندەگى تەرميندەردى بىرىزدەندىرۋ ماسەلەسى دە جان-جاقتى تالقىلاندى.

ءىس-شاراعا ورتالىق جانە جەرگىلىكتى اتقارۋشى ورگانداردىڭ زاڭدار مەن باسقا دا نورماتيۆتىك-قۇقىقتىق اكتىلەر جوبالارىنىڭ مەملەكەتتىك تىلدەگى نۇسقالارىن ازىرلەۋگە جانە رەداكتسيالاۋعا جاۋاپتى ماماندارى، ۇلتتىق كومپانيالار مەن اكتسيونەرلىك قوعامداردىڭ مەملەكەتتىك تىلدە ىسقاعازدارىن جۇرگىزۋگە جاۋاپتى قىزمەتكەرلەرى قاتىستى.

اباي-اقپارات